କଟକ: ଡି’ ବ୍ରଦର୍ସଙ୍କ ସହଯୋଗୀ ତଥା କୁଖ୍ୟାତ ଅପରାଧୀ ଭୁଆଁର ବାଦାମବାଡି ବସଷ୍ଟାଣ୍ଡରୁ ଦାଦାବଟି ଆଦାୟ ଘଟଣାକୁ ନେଇ କମିଶନରେଟ ପୋଲିସ ତା’ର ତଦନ୍ତକୁ ଜୋରଦାର କରିଛି। ଏହି କ୍ରମରେ କଟକ ଘରୋଇ ବସ୍ ମାଲିକ ସଂଘ ସମ୍ପାଦକ ତଥା ସିଏମସିର ଡେପୁଟି ମେୟର ଅଜୟ ବାରିକଙ୍କୁ ପଚରାଉଚରା କରିଛି। ପଚରାଉଚରା ବେଳେ କିଭଳି ଓ କେତେ ପରିମାଣରେ ଦାଦାବଟି ବସଗୁଡିକରୁ ଭୁଆଁ ଆଦାୟ କରୁଥିଲା ସେ ନେଇ ଅଜୟଙ୍କ ପାଖରୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ପୋଲିସ ହାସଲ କରିଛି।
ପଚରାଉଚରା ସମ୍ପର୍କରେ ଅଜୟ କହିଛନ୍ତି, “ପୋଲିସ ମାଗିଥିବା ସମସ୍ତ ତଥ୍ୟ ମୁଁ ପ୍ରଦାନ କରିଛି।” କଟକ ଘରୋଇ ବସ ମାଲିକ ସଂଘ ଅଧୀନରେ ୨୩୦ଟି ବସ୍ ସହ ପ୍ରତିଦିନ ରାଜ୍ୟ ତଥା ରାଜ୍ୟ ବାହାରୁ ବାଦାମବାଡିକୁ ଆସୁଥିବା ପ୍ରାୟ ୭ ହଜାର ବସରୁ ଭୁଆଁ ବଟି ଆଦାୟ କରୁଥିଲା। ବସ୍ରୁ ଭୁଆଁ ଦାଦାବଟି ଆଦାୟ ନେଇ ଗତକାଲି ଭୁବନେଶ୍ୱରର ଦୁଇଟି ବସ୍ ମାଲିକ ସଂଘ ବାଦାମବାଡି ଥାନାରେ ମାମଲା ଦାୟର କରିବା ପରେ କଟକ ସଂଘ ମଧ୍ୟ ଅନୁରୂପ ମମାଲା ଦାୟର କରିବ ବୋଲି ଜଣାପଡିଛି। ଡି’ ଲିଙ୍କ୍ ଅଭିଯୋଗରେ ଗିରଫ ହେବା ପରଠାରୁ ଭୁଆଁ ନାଁରେ ୪ଟି ମାମଲା ରୁଜୁ ହୋଇସାରଲାଣି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
