ବ୍ରହ୍ମପୁର: ଗତକାଲି ବ୍ରହ୍ମପୁର ସଦର ଥାନା ଅନ୍ତର୍ଗତ ଆଙ୍କୁଶପୁରରୁ ଠାବ ହୋଇଥିବା ମୃତଦେହକୁ ପୋଲିସ ଶବ ବ୍ୟବଚ୍ଛେଦ ପାଇଁ ପଠାଇ ରିପୋର୍ଟ ଅପେକ୍ଷାରେ ରହିଛି। ରିପୋର୍ଟ ଆସିବା ପରେ ପରବର୍ତ୍ତୀ ପଦକ୍ଷେପ ନିଆଯିବ। ଏହାସହ ହତ୍ୟାର ବିଭିନ୍ନ ଦିଗକୁ ତନଖି କରୁଛି ପୋଲିସ।
ସଦର ଏସ୍ଡିପିଓ ଅଶୋକ କୁମାର ମହାନ୍ତି କହିଛନ୍ତି,“ଗତକାଲି ସଦର ଥାନା ଅନ୍ତର୍ଗତ ଆଙ୍କୁଶପୁରର ଜଣେ ମଇଁଷି ଚରାଉଥିବା ଲୋକ ଜମି ନିକଟରେ ଥିବା ଏକ ପରିତ୍ୟକ୍ତ କୂଅରେ ଏକ ଶବ ପଡ଼ିଥିବାର ଦେଖିବାକୁ ପାଇଥିଲେ। ଖବର ପାଇ ଆମେ ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛୁ। ଶବବ୍ୟବଚ୍ଛେଦ ରିପୋର୍ଟ ଆସିବା ପରେ ପରବର୍ତ୍ତୀ ପଦକ୍ଷେପ ନିଆଯିବ।”
ଅନ୍ୟପକ୍ଷରେ ଏହି ଶବଟି ଆଙ୍କୁଶପୁର ଧୋବା ସାହିର ଅଜୟ ସେଠୀଙ୍କର ୪ବର୍ଷର ଝିଅ ବୋଲି ଚିହ୍ନଟ ହୋଇଛି। ଗତ ୨୯ ତାରିଖରୁ ତାଙ୍କ ଝିଅ ନିଖୋଜ ଥିଲା ଏବଂ ସଦର ଥାନାରେ ଏନେଇ ଅଭିଯୋଗ ମଧ୍ୟ ହୋଇଥିଲେ। ତାଙ୍କୁ ହତ୍ୟା କରି କେହି ସେଠାରେ ଫୋପାଡି ଦେଇଥିବା ପରିବାରବର୍ଗ ଥାନାରେ ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
