ଗୁଣି ସନ୍ଦେହରେ ୩ ଜଣଙ୍କୁ ହତ୍ୟା; ଆଜି ଘଟଣାସ୍ଥଳକୁ ଯିବ ସାଇଣ୍ଟିଫିକ୍‌ ଟିମ୍‌

ଗୁଣପୁର: ରାୟଗଡ଼ା ଜିଲ୍ଲା ଗୁଣପୁର ବ୍ଲକ୍‌ କିଟିଙ୍ଗି ଗାଁରେ ଗୁଣି ଗାରେଡ଼ି ସନ୍ଦେହରେ ଗୋଟିଏ ପରିବାରର ୩ ଜଣଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତକମାନେ ହେଲେ ଅଶିଣ ଶବର, ତାଙ୍କ ସ୍ତ୍ରୀ ଓ ଝିଅ।

ଆଜି ସାଇଣ୍ଟିଫିକ୍‌ ଟିମ୍‌ ଘଟଣାସ୍ଥଳକୁ ଯାଇ ତଦନ୍ତ କରିବ।

ଗତ ୯ ତାରିଖରେ ସେମାନଙ୍କୁ ହତ୍ୟା କରାଯିବା ପରେ ଜଙ୍ଗଲରେ ପୋତି ଦିଆଯାଇଥିଲା। ପୋଲିସ୍‌ ଘଟଣାର ତଦନ୍ତ ଆରମ୍ଭ କରିଛି।

ସୂଚନାଯୋଗ୍ୟ, କିଛି ଦିନ ତଳେ ଗଜପତି ଜିଲ୍ଲା ମୋହନା ଚୁଡୁଙ୍ଗପୁର ଗାଁରେ ପୁଣି ଗାରେଡ଼ି ସନ୍ଦେହରେ ଦୁର୍ବୃତ୍ତମାନେ ୨ ଜଣଙ୍କୁ ହତ୍ୟା କରିଥିଲେ। ଗତ ୧୪ ବର୍ଷରେ ଓଡ଼ିଶାରେ ଗୁଣି ଗାରେଡ଼ି ସନ୍ଦେହରେ ପ୍ରାୟ ୫୪୧ ଜଣଙ୍କୁ ହତ୍ୟା କରାଯାଇଛି। ଏଭଳି ହତ୍ୟା ଓ ନିର୍ଯାତନାକୁ ରୋକିବା ପାଇଁ ୨୦୧୩ ଡିସେମ୍ୱରରେ ଗୁଣି ଗାରେଡି ବିଦ୍ୟା ନିରୋଧ ବିଲ୍‌ ପାସ୍‌ ହୋଇସାରିଛି।