ଯାଜପୁର: ଯାଜପୁର ରୋଡ୍ ଥାନା ଷ୍ଟାଡିୟମ ନିକଟସ୍ଥ ଲକ୍ଷ୍ମୀନଗର ଗାଁରେ ଜନୈକ ଠିକାଦାର ଜ୍ଞାନ ରଂଜନ ଦେଓଙ୍କ ଘରକୁ ସୋମବାର ଏକ ପାର୍ସଲ ବୋମା ଆସିବା ପରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳି ଯାଇଛି। ସୁକିନ୍ଦା ଥାନା ମଙ୍ଗଳପୁର ଠିକଣାରୁ ଆସିଥିଲା ଏହି ବୋମା। ଖବର ପାଇଁ ପୋଲିସ୍ ଜ୍ଞାନ ରଂଜନ ଦେଓଙ୍କ ଘରେ ପୋଲିସ୍ ପହଞ୍ଚି ଥିଲା ଓ ବୋମାଟିକୁ ନିଷ୍କ୍ରିୟ କରି ଥିଲା।
ଜ୍ଞାନ ରଂଜନ ଅଭିଯୋଗ କରିଛନ୍ତି ଯେ ଏହା ପୂର୍ବରୁ ତାଙ୍କ ପକ୍ଷରୁ ଧମକପୂର୍ଣ୍ଣ ଫୋନ୍ ଆସିଥିଲା। ୬ ଲକ୍ଷ ଟଙ୍କା ନଦେଲେ ତାଙ୍କ ଛୁଆମାନଙ୍କୁ ଅପହରଣ କରି ନେବାକୁ କୁହାଯାଇଥିଲା। ପୋଲିସ୍ ଏନେଇ ତନାଘନା ଚଳାଇଥିବା ବେଳେ ଜ୍ଞାନ ରଂଜନ ପୋଲିସ୍ ସୁରକ୍ଷା ମାଗିଛନ୍ତି।