କଟକ: ଟିଟୋ ଗ୍ୟାଙ୍ଗର ୭ ଦୁର୍ଦ୍ଦାନ୍ତ ଅପରାଧୀ ଗିରଫ

କଟକ: ଗତକାଲି ରାତିରେ ଡକାୟତି କରିବାକୁ ଯୋଜନା କରୁଥିବା ବେଳେ ୭ ଜଣ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରିଛି କମିଶନରେଟ୍ ପୋଲିସ୍। କଟକ ସିଡିଏ ଫେଜ୍‌ ଟୁ ଥାନା ଅନ୍ତର୍ଗତ ବିଜୁ ପଟ୍ଟନାୟକ ପାର୍କ ନିକଟରୁ ସେମାନଙ୍କୁ ଗିରଫ କରାଯାଇଥିଲା। ଆଜି ଏକ ସାମ୍ବାଦିକ ସମ୍ମିଳନୀରେ କଟକ ଡିସିପି ସଂଜୀବ ଆରୋରା ଏହି ସୂଚନା ଦେଇଛନ୍ତି।

ଗିରଫ ଅପରାଧୀମାନେ ହେଲେ ଚନ୍ଦକା ଅଞ୍ଚଳର ସତ୍ୟବ୍ରତ ନାୟକ (୨୪), ଘାଟିକିଆ ଅଞ୍ଚଳର ଜ୍ୟୋତିରଞ୍ଜନ ମହାନ୍ତି (୨୮), କଟକର ମହମ୍ମଦ ସଦ୍ଦାମ ହୁସେନ(୨୨), କଟକ ସତୀଚଉରା ଅଞ୍ଚଳର ୟାସିନ ଅଲ୍ଲି (୨୫), କଟକର ଏସ୍‌.କେ ସବୀର (୨୪), ଜଗତସିଂହପୁରର ପ୍ରମୋଦ ରଞ୍ଜନ (୩୨) ଓ କଟକର ଏସ୍‌.କେ କଲିମ (୨୪)। ସେମାନଙ୍କ ଠାରୁ ଗୋଟିଏ ୯ ଏମ୍‌ଏମ୍‌ ପିସ୍ତଲ, ଗୋଟିଏ ସିଙ୍ଗିଲ୍‌ ସଟ୍ ପିସ୍ତଲ, ୫ ରାଉଣ୍ଡ ଅଫୁଟା ଗୁଳି ଓ ୩ଟି ମୋବାଇଲ ଜବତ କରାଯାଇଛି।

ଗିରଫ ୭ ଅପରାଧୀ ଟିଟୋ ଗ୍ୟାଙ୍ଗର ବୋଲି କଟକ ଡିସିପି କହିଛନ୍ତି। ସେମାନଙ୍କ ନାଁରେ କଟକ ଓ ଏହାର ଆଖପାଖ ଥାନାଗୁଡ଼ିକରେ ଏକାଧିକ ଅପରାଧିକ ମାମଲା ରହିଛି।