ଭୁବନେଶ୍ୱର: ବହୁ ଚର୍ଚ୍ଚିତ ବରଗଡ଼ ଜିଲ୍ଲା ଭେଡେନ ଥାନା ମାଖୁନ ବାଗ୍ ହତ୍ୟା ମାମଲାରେ ନ୍ୟାୟ ପାଇବା ଲାଗି ମଙ୍ଗଳବାର ତାଙ୍କ ପରିବାର ବର୍ଗ ରାଜ୍ୟପାଳଙ୍କୁ ଭେଟିଛନ୍ତି। ମାଖୁନଙ୍କ ସ୍ତ୍ରୀ, ପୁଅ ଓ ସମ୍ପର୍କୀୟ ରାଜ୍ୟପାଳଙ୍କୁ ଭେଟି ଘଟଣାର ସିବିଆଇ ତଦନ୍ତ, ସମସ୍ତ ଆସାମୀଙ୍କୁ ଗିରଫ କରାଯିବା, ଅନୁକମ୍ପା ରାଶି ତଥା ପୁଅକୁ ଚାକିରି ଦେବା ଲାଗି ଦାବି କରିଛନ୍ତି। ମାଖୁନଙ୍କ ପରିବାର ଲୋକଙ୍କ ସହ ଯାଦବ ମହାସଂଘ ଓ ସମାଜବାଦୀ ପାର୍ଟିର କର୍ମକର୍ତ୍ତା ମଧ୍ୟ ରାଜ୍ୟପାଳଙ୍କୁ ଭେଟି ଅନୁରୋଧ ଜଣାଇଥିଲେ। ରାଜ୍ୟପାଳ ସେମାନଙ୍କ ଅଭିଯୋଗ ଶୁଣିବା ପରେ ଦାବି ପୂରଣ ପାଇଁ ପ୍ରତିଶ୍ରୁତି ଦେଇଥିବା ମାଖୁନଙ୍କ ପରିବାର ସଦସ୍ୟ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
