କଟକ: ମୃଦୁ ପାନୀୟରେ ନିଶା ଦେଇ କଟକରେ ଜଣେ ଚାଳକଙ୍କଠାରୁ କାର, ଟଙ୍କା ଓ ମୋବାଇଲ ଲୁଟ ହୋଇଛି। ଏସ୍ସିବି ମେଡ଼ିକାଲ ନିକଟରୁ ଏହି ଲୁଟ୍ ହୋଇଥିବା ନେଇ ମଙ୍ଗଳବାଗ ଥାନାରେ ଲିଖିତ ଅଭିଯୋଗ ହୋଇଛି। ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
ଗତକାଲି ଜଗତସିଂହପୁର ଜିଲ୍ଲା ରଘୁନାଥପୁର ସଞ୍ଜୟ କୁମାର ଦାସ ଭଡାରେ କଟକ ଆସିଥିଲେ। ସେ କଟକରେ ପହଞ୍ଚିବା ପରେ ଭଡ଼ାରେ ଆସିଥିବା ସମ୍ପୃକ୍ତ ବ୍ୟକ୍ତି ଜଣକ ତାଙ୍କୁ ମୃଦୁ ପାନୀୟରେ ନିଶା ମିଶାଇ ତାଙ୍କୁ ପିଇବାକୁ ଦେଇଥିଲେ। ମୃଦୁ ପାନୀୟକୁ ପିଇବା ପରେ ସଞ୍ଜୟ ଚେତା ହରାଇ ପଡ଼ି ଯାଇଥିଲେ। ଏହାର ସୁଯୋଗ ନେଇ ସମ୍ପୃକ୍ତ ବ୍ୟକ୍ତି ଜଣକ ସଞ୍ଜୟଙ୍କ ଗାଡ଼ି, ୫୦୦୦ ଟଙ୍କା ଓ ଦୁଇଟି ମୋବାଇଲ ନେଇ ଚମ୍ପଟ ମାରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।