ପାଲଲହଡ଼ା: ଅନୁଗୋଳ ଜିଲ୍ଲା ପାଲଲହଡ଼ା ଥାନା ଅନ୍ତର୍ଗତ ନଗିରା ପଞ୍ଚାୟତର ପୂର୍ବତନ ସରପଞ୍ଚ ଭୁଲୁ ବେହେରାଙ୍କ କ୍ଷତବିକ୍ଷତ ମୃତଦେହକୁ ଆଜି ଗାଁ ମୁଣ୍ଡ ଏକ ଜମି ନିକଟରୁ ଉଦ୍ଧାର କରାଯାଇଛି। ପୂର୍ବ ଶତ୍ରୁତାରୁ ତାଙ୍କୁ ହତ୍ୟା କରାଯାଇଛି ବୋଲି ତାଙ୍କ ଘର ଲୋକେ ଅଭିଯୋଗ କରିଛନ୍ତି। ପାଲଲହଡ଼ା ପୋଲିସ୍ ମୃତଦେହକୁ ଜବତ କରିବା ସହିତ ଘଟଣାର ତଦନ୍ତ ଆରମ୍ଭ କରିଛି।
ଭୁଲୁ ଗତକାଲି ମଇଁଷି ଚରାଇବାକୁ ଯାଇ ଆଉ ଫେରି ନ ଥିଲେ। ଘର ଲୋକେ ଖୋଜା ଖୋଜି କରିବା ପରେ ଆଜି ସକାଳେ ତାଙ୍କ ମୃତଦେହ ଏକ ଜମି ପାଖରେ ପଡ଼ିଥିବା ଦେଖିବାକୁ ପାଇଥିଲେ। ତାଙ୍କ ମୁଣ୍ଡରେ ଗଭୀର କ୍ଷତ ରହିଛି। ତାଙ୍କୁ କେହି ପଥରରେ ଛେଚି ହତ୍ୟା କରାଯାଇଥିବା ପୋଲିସ୍ କହିଛି।
ଦୁଇ ବର୍ଷ ତଳେ ଗୁଣିଗାରେଡିକୁ କେନ୍ଦ୍ର କରି ଭୁଲୁ ବେହେରାଙ୍କ ସହିତ ପଡ଼ିଶା ଘର ରଙ୍ଗା ବେହେରାର ଗଣ୍ଡଗୋଳ ହୋଇଥିଲା। ଏହାକୁ ନେଇ କୋର୍ଟରେ କେସ୍ ମଧ୍ୟ ଚାଲିଥିଲା। ରଙ୍ଗା ବେହେରା ଫେରାର ଥିବାରୁ ତା’ଉପରେ ସନ୍ଦେହ ଘନୀଭୂତ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
