କଟକ: ଓସ୍କାର ଚିଟଫଣ୍ଡ ସଂସ୍ଥାର ଅଧ୍ୟକ୍ଷ ପ୍ରଭାସ ରାଉତ ଓ ଅନ୍ୟ ୪ ଅଭିଯୁକ୍ତଙ୍କୁ ଆଜି କଟକ ସ୍ୱତନ୍ତ୍ର ଚିଟଫଣ୍ଡ କୋର୍ଟରେ ହାଜର କରାଯାଇଛି। ହାଜର କରାଯାଇଥିବା ଅନ୍ୟ ଅଭିଯୁକ୍ତମାନେ ହେଲେ ନିର୍ଦ୍ଦେଶକ ତାରାପ୍ରସାଦ ହୋତା, ପ୍ରଭାତ ପଟ୍ଟନାୟକ, ଅବନୀ ପଟ୍ଟନାୟକ ଓ କିର୍ତ୍ତୀରଞ୍ଜନ ବସ୍ତିଆ। ନିୟମିତ ବିଚାର ବିଭାଗୀୟ ହାଜିରାଭାବେ ସେମାନଙ୍କୁ ହାଜର କରାଯାଇଛି।
କେବଳ ତାରାପ୍ରସାଦ ହୋତାଙ୍କୁ ଛାଡିଦେଲେ ଅନ୍ୟ କୌଣସି ଅଭିଯୁକ୍ତଙ୍କ ପକ୍ଷରୁ ଜାମିନ ଆବେଦନ କରାଯାଇନାହିଁ। ତାରାପ୍ରସାଦଙ୍କ ଜାମିନ ଆବେଦନ ଉପରେ ଆଜି ଶୁଣାଣି ହୋଇପାରିନାହିଁ। ଏହି ମାମଲା ଆସନ୍ତା ୩ ତାରିଖରେ ଶୁଣାଣି କରାଯିବ ବୋଲି ସୂଚନା ମିଳିଛି।
ଆସନ୍ତା ୧୧ ତାରିଖରେ ସମସ୍ତ ଅଭିଯୁକ୍ତଙ୍କୁ ପୁନଃବାର କୋର୍ଟରେ ହାଜର କରାଯିବ ବୋଲି ସରକାରୀ ଓକିଲ ନିଳାମ୍ବର ଜେନା ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
