ନାବାଳିକା କାଷ୍ଟିଂ କାଉଚ୍ ମାମଲା: ପପୁଙ୍କ ସହଯୋଗୀ ପ୍ରଦୀପ୍ତଙ୍କ ଜାମିନ୍ ଆବେଦନ ଖାରଜ

ଖୋର୍ଦ୍ଧା: ନାବାଳିକା କାଷ୍ଟିଂ କାଉଚ୍ ମାମଲାରେ ଅଭିନେତା ପପୁ ପମ୍ ପମ୍‌ଙ୍କ ସହଯୋଗୀ ପ୍ରଦୀପ୍ତ ସ୍ୱାଇଁଙ୍କ ଜାମିନ୍ ଆବେଦନକୁ ଆଜି ଖୋର୍ଦ୍ଧା ଜିଲ୍ଲା ଓ ଦୌରା ଜଜ୍ ଖାରଜ କରି ଦେଇଛନ୍ତି। ପୂର୍ବରୁ କୋର୍ଟ ପପୁ ଓ ପ୍ରଦୀପ୍ତଙ୍କ ଜାମିନ ଆବେଦନ ଖାରଜ କରିଥିଲେ।

ଉଭୟଙ୍କୁ ଆଜି ଭିଡିଓ କନ୍‌ଫରେନ୍‌ସିଂ ମାଧ୍ୟମରେ କୋର୍ଟରେ ହାଜର କରାଯାଇଥିଲା।

ଅନ୍ୟପକ୍ଷରେ ଏହି ମାମଲାରେ ପୋଲିସ୍ ଦୁଇଟି ପ୍ରମାଣ ଦାଖଲ କରିଛି। ଯେଉଁ କାରରେ ନାବାଳିକାଙ୍କୁ ଯୌନ ନିର୍ଯାତନା  ଦିଆଯାଇଥିଲା ସେହି କାର ସଂପର୍କିତ ତଥ୍ୟ ପ୍ରଦାନ କରାଯାଇଛି। ସେହିପରି ପପୁ ଓ ନାବାଳିକାଙ୍କ ମଧ୍ୟରେ ବାର୍ତ୍ତାଳାପର ପ୍ରମାଣ ସ୍ୱରୂପ ନାବାଳିକାଙ୍କଠୁ ଜବତ ମୋବାଇଲ ଫୋନ୍‌କୁ କୋର୍ଟରେ ଦାଖଲ କରାଯାଇଛି।