ପୁରୀ: ପୁରୀ ଏସସିଏସ୍ କଲେଜ ଛକରେ ଆଜି ବୋମାମାଡ଼ ହୋଇଛି। ଏଥିରେ ୨ଜଣ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଦୁହିଁଙ୍କ ଅବସ୍ଥା ସ୍ଥିର ରହିଛି। ପୂର୍ବ ଶତ୍ରୁତାକୁ ନେଇ ଏହି ବୋମାମାଡ଼ ହୋଇଥିବା ଜଣାପଡ଼ିଛି। ଘଟଣା ସ୍ଥଳରୁ ଗୋଟିଏ ଅଫୁଟା ବୋମା ଜବତ କରାଯାଇ ବେଳେ ପୋଲିସ ୨ଜଣଙ୍କୁ ଗିରଫ କରିଛି।
ପୁରୀ ସିଟି ଡିଏସପି ପ୍ରଭାତ ରାଉତରାୟ କହିଛନ୍ତି ଯେ ପୂର୍ବ ଶତ୍ରୁତାକୁ ନେଇ ଏହି ବୋମା ମାଡ଼ ହୋଇଛି। ଦୀପକ ଖୁଣ୍ଟିଆ ଓ ତା’ର ଦୁଇ ଜଣ ସାଙ୍ଗ କଲେଜ ଛକ ଆଡ଼କୁ ଯାଉଥିବା ବେଳେ ରାଜା ସ୍ୱାଇଁ ଓ ତା’ର ସାଥୀମାନେ ସେମାନଙ୍କୁ ବଟାଳୀରେ ଆକ୍ରମଣ କରି ଥିଲେ। ଦୀପକ ଓ ତା’ ସାଙ୍ଗମାନେ ଏହାର ବିରୋଧ କରିଥିଲେ। ଦୀପକ ପକ୍ଷରୁ ଦୁଇଟି ବୋମା ପକାଯାଇଥିଲା। ରାଜାଠାରୁ ଗୋଟିଏ ଜୀବନ୍ତ ବୋମା ଜବତ କରାଯାଇଛି। ଏମାନଙ୍କ ନାଁରେ ପୂର୍ବରୁ ବି ମାମଲା ରହିଛି। ୨ ଜଣଙ୍କୁ ଗିରଫ କରାଯାଇଛି।