ପୁରୀ: ପୁରୀ ଷ୍ଟେସନରେ ଟ୍ରେନ ପୋଡି ଘଟଣାରେ ଗିରଫ ଅଭିଯୁକ୍ତ ତାମିଲନାଡୁର ରାମଚନ୍ଦ୍ରନ ସୁବାସକୁ ଆଉ ୧୦ ଦିନିଆ ରିମାଣ୍ଡରେ ନେବାକୁ ରେଲବାଇ ପୋଲିସ ଆବେଦନ କରିଛି। ସିସିଟିଭି ଫୁଟେଜ ଆଧାରରେ ରାମଚନ୍ଦ୍ରନର ଏଥିରେ ସମ୍ପୃକ୍ତି ଥିବା ସ୍ପଷ୍ଟ ହୋଇଛି। ପଚରାଉଚରା ବେଳେ ଅଭିଯୁକ୍ତ ତାର ଦୋଷ ସ୍ୱୀକାର କରିଥିବା ରେଳବାଇ ଥାନା ଡିଏସପି ଦେବେନ୍ଦ୍ର କୁମାର ଦାସ କହିଛନ୍ତି।
ପୂର୍ବରୁ ଗିରଫ ରାମଚନ୍ଦ୍ରନକୁ ରେଳବାଇ ପୋଲିସ ଦୁଇଦିନ ରିମାଣ୍ଡରେ ନେଇଥିଲା। ଜଣେ ତାମିଲ ପୋଲିସ ଅଧିକାରୀଙ୍କ ମାଧ୍ୟମରେ ପୋଲିସ ତାଙ୍କୁ ଜେରା କରିଥିଲା। ଏଥିରେ ସେ ଏକା ସମ୍ପୃକ୍ତ ନା ଆଉ କିଏ ସହଯୋଗୀ ଅଛନ୍ତି ତାହା ପଚରାଉଚରା ପରେ ଜଣାପଡ଼ିବ ବୋଲି ରେଳବାଇ ଥାନା ପକ୍ଷରୁ କୁହାଯାଇଛି। ଗତ ୧୨ ତାରିଖରେ ପୁରୀ ରେଳ ଷ୍ଟେସନରେ ତିନୋଟି ଟ୍ରେନର ୫ଟି ବଗିରେ ନିଆଁ ଲାଗିଯାଇଥିଲା। ଘଟଣାସ୍ଥଳରୁ ପୁରୀ ଆରପିଏଫ ରାମଚନ୍ଦ୍ରନକୁ ଗିରଫ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
