ରାୟଗଡ଼ା: ଅଧିକ ସୁଧ ଲୋଭ ଦେଖାଇ ଲୋକଙ୍କୁ ଚିଟଫଣ୍ଡ ମାଧ୍ୟମରେ ଠକି ଥିବା ଅଭିଯୋଗରେ ବାପ, ପୁଅଙ୍କୁ ସରକାରୀ ଚାକିରି ହରାଇବାକୁ ପଡ଼ିଛି। ଏପରି ଘଟଣା ଘଟିଛି ରାୟଗଡ଼ା ଜିଲ୍ଲାରେ। ଚାକିରିରୁ ନିଲମ୍ବିତ ହୋଇଥିବା ଅଭିଯୁକ୍ତମାନେ ହେଲେ ରମେଶ ଚିନ୍ତାଡ଼ା ଏବଂ ତାଙ୍କ ପୁଅ ମନୋଜ କୁମାର ଚିନ୍ତାଡ଼ା । ରେମଶ ରାୟଗଡ଼ା ଜିଲ୍ଲାପାଳ ଅଫିସରେ ପିଅନ ଭାବେ କାମ କରୁଥିଲେ। ସେହିପରି ମନୋଜ ଗୁଣପୁର ଆଇସିଡିଏସ୍ ଅଫିସରେ କିରାଣି ଭାବେ କାମ କରୁଥିଲେ।
ଚିଟଫଣ୍ଡ ଠକେଇ ଅଭିଯୋଗରେ ଏମାନଙ୍କ ନାଁରେ ଥାନାରେ ମାମଲା ରୁଜୁ ହେବା ପରେ ଜିଲ୍ଲା ପ୍ରଶାସନ ତରଫରୁ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି। ଏହାସହ ଅଭିଯୁକ୍ତଙ୍କୁ ଥାନାରେ ଅଟକ ରଖି ପୋଲିସ ପଚରାଉଚୁରା କରୁଛି। ପୂର୍ବରୁ ଚିଟଫଣ୍ଡ ଠକେଇ ଅଭିଯୋଗରେ ପୋଲିସ ରମେଶଙ୍କ ପତ୍ନୀ ଅନୀତାଙ୍କୁ ଗିରଫ କରି କୋର୍ଟ ଚାଲଣ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
