ସମ୍ୱଲପୁର: ସମ୍ୱଲପୁର ଜିଲ୍ଲା କତରାବାଗା ଥାନା ଅନ୍ତର୍ଗତ କୋଳଥଗୁଡ଼ାରେ ବୁଧବାର ବିଳମ୍ୱିତ ରାତିରେ ଗୁଳିକାଣ୍ଡ ଘଟିଛି। ଗୁଳି ମାଡ଼ରେ ମନୋଜ ପଟେଲଙ୍କ ମୃତ୍ୟୁ ହୋଇଛି। ଘଟଣା ପରେ ମନୋଜଙ୍କ ପରିବାର ଲୋକେ ଦୀପେଶ୍ୱର ନାଁରେ ଥାନାରେ ଅଭିଯୋଗ କରିଥିଲେ। ଏହି ଆଧାରରେ ପୋଲିସ ଅଭିଯୁକ୍ତ ଦୀପେଶ୍ୱରକୁ ଗିରଫ କରିଛି।
ପୋଲିସର ସୂଚନା ଅନୁସାରେ ମନୋଜ ତାଙ୍କ ଦୋକାନରେ ଚୋରା ମଦ ବ୍ୟବସାୟ କରୁଥିଲେ। ବୁଧବାର ରାତିରେ ଦୀପେଶ୍ୱର ମଦ ନେବା ପାଇଁ ମନୋଜଙ୍କ ଡାକିଥିଲେ ଏବଂ ମନୋଜ ଦୋକାନ ବାହାରକୁ ଆସିବା ମାତ୍ରେ ତାଙ୍କ ଉପରକୁ ଅତର୍କିତ ଗୁଳି ଚଳାଇଥିଲେ। ପୋଲିସ ଶବବ୍ୟବଚ୍ଛେଦ ପାଇଁ ପଠାଇଥିବା ବେଳେ ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟାକାଣ୍ଡ ଘଟିଥିବା ଅନୁମାନ କରୁଛି। ଅନ୍ୟପଟେ ଦୀପେଶ୍ୱର ଜଣେ କଲେଜ ଛାତ୍ର ବୋଲି ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
