କଟକ: ପ୍ରାୟ ୩ ମାସର ଜେଲ୍ ରହଣୀ ପରେ ସାରଥିଙ୍କ ପାଳିତ ପୁଅ ସତ୍ୟମ ରାଉଳ ଶୁକ୍ରବାର ଜେଲରୁ ମୁକୁଳିଛି । ତାକୁ ଜାମିନ୍ ପାଇଁ କେତୋଟି ସର୍ତ୍ତ ରଖିଥିଲେ କଟକ ଏସଡିଜେଏମ୍ କୋର୍ଟ। କୋର୍ଟଙ୍କ ସର୍ତ୍ତମୁତାବକ ୫୦ହଜାର ଟଙ୍କାର ଦୁଇଟି ବେଲ୍ ବଣ୍ଡ ପ୍ରଦାନ ଓ ସମାନ ପ୍ରକାର ଅପରାଧରେ ସାମିଲ ନ ହେବା ପାଇଁ ଓକିଲଙ୍କ ଜରିଆରେ ଅବଗତ କରାଇବା ପରେ କୋର୍ଟ ଜାମିନ୍ ପ୍ରଦାନ କରିଥିଲେ। ଏହାପରେ ଶୁକ୍ରବାର ଅପରାହ୍ନ ୫ଟା ୪୫ ମିନିଟରେ ଚୌଦ୍ୱାର ଜେଲରୁ ମୁକୁଳିଛି ସତ୍ୟମ୍। ଗତ ୨ ତାରିଖରେ ହାଇକୋର୍ଟ ତାକୁ ସର୍ତ୍ତମୂଳକ ଜାମିନ ପାଇଁ ଅନୁମତି ଦେଇଥିଲେ।
ସତ୍ୟମ୍ ଚାରିଟେବଲ୍ ଟ୍ରଷ୍ଟରେ ବ୍ୟାପକ ଦୁର୍ନୀତି, ତାଙ୍କଠାରୁ ୩୫ ଲକ୍ଷ ଟଙ୍କା ମିଳିବା ଓ ୫୫ ଲକ୍ଷ ଟଙ୍କାର ଘର ତାଙ୍କ ନାଁରେ ଥିବା ନେଇ ଅଭିଯୋଗ ହୋଇଥିଲା। ଗତ ଅଗଷ୍ଟ ୨୦ ତାରିଖରେ ମୁମ୍ୱାଇରୁ ସତ୍ୟମକୁ ଗିରଫ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
