କଟକ: ଏସସିବି ମେଡିକାଲରେ ରୋଗୀଙ୍କୁ ଯୌନ ନିର୍ଯାତନା ମାମଲାରେ ଅଭିଯୁକ୍ତ ଆଟେଣ୍ଡାଣ୍ଟ୍ ବାବୁନା ଓରଫ ପ୍ରଶାନ୍ତ ମହାନ୍ତକୁ କଟକ ଦ୍ୱିତୀୟ ଏଡିଜେ କୋର୍ଟ ୧୦ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି। ଏହାଛଡା ପୀଡିତାଙ୍କ ସମ୍ପର୍କୀୟାଙ୍କୁ ଅସଦାଚରଣ କରିବା ଅଭିଯୋଗରେ ଦୁଇବର୍ଷ ଏବଂ ଅନ୍ୟ ଏକ ଦଫ।ରେ ତାକୁ ଏକ ବର୍ଷ କାରାଦଣ୍ଡାଦେଶ ଦିଆଯାଇଛି।
ଗତ ୨୦୧୪ ଏପ୍ରିଲ ୧୯ ତାରିଖରେ ନିଆଳି ଥାନା ଅଞ୍ଚଳରେ ଏକ ପରିବାରର ଦୁଇଭଉଣୀଙ୍କ ମଧ୍ୟରେ ଝଗଡ଼ା ଲାଗିବାରୁ ବଡ଼ ଭଉଣୀ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ତାଙ୍କୁ ଗୁରୁତର ଅବସ୍ଥାରେ କଟକ ବଡ଼ ମେଡିକାଲ କାଜୁଆଲଟି ବିଭାଗରେ ଚିତ୍କିସା କରାଯାଉଥିଲା । ସେହି ୱାର୍ଡରେ ଆଟେଣ୍ଡାଣ୍ଟ୍ ଭାବେ କାର୍ଯ୍ୟ କରୁଥିବା ଅଭିଯୁକ୍ତ ଠିକା କର୍ମଚାରୀ ପ୍ରଶାନ୍ତ ପୀଡ଼ିତାଙ୍କୁ ଯୌନ ଶୋଷଣ କରିଥିବା ନେଇ ଅଭିଯୋଗ ହୋଇଥିଲା ଏପରିକି ଅଭିଯୁକ୍ତ ପ୍ରଶାନ୍ତ ପୀଡ଼ିତାଙ୍କ ଖୁଡିଙ୍କୁ ମଧ୍ୟ ଅସଦାଚରଣ କରିଥିବା ନେଇ ଥାନାରେ ଏତଲା ଦାୟର ହୋଇଥିଲା। ପୀଡ଼ିତାଙ୍କ ଖୁଡି ଥାନାରେ ଏତଲା ଦେଇଥିଲା ବେଳେ ଉଭୟ ମାମଲାରେ ଯେଭଳି ଭାବେ ସହଯୋଗ କଲେ ତାହାକୁ ଅଦାଲତ ମଧ୍ୟ ପ୍ରସଂଶା କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
