ସ୍କିଲ୍‌ ଇଣ୍ଡିଆ ନାଁରେ ଠକେଇ: ସଂସ୍ଥାର ନିର୍ଦ୍ଦେଶକ ଗୌତୁମ ବୁଦ୍ଧ ଅଟକ

officeଭୁବନେଶ୍ୱର: ସ୍କିଲ୍‌ ଇଣ୍ଡିଆ ନାଁରେ ସ୍ଥାୟୀ ଚାକିରିର ଲୋଭ ଦେଖାଇ କୋଟି କୋଟି ଟଙ୍କା ଠକେଇ ହୋଇଥିବା ଅଭିଯୋଗ ହୋଇଛି। ଏ ନେଇ ଖଣ୍ଡଗିରି ଥାନାରେ ଅଭିଯୋଗ ହେବା ପରେ  ପୋଲିସ୍‌ ସଂସ୍ଥାର ନିର୍ଦ୍ଦେଶକ ଗୌତମ ବୁଦ୍ଧଙ୍କୁ ଅଟକ ରଖିଛି। ଏଥିସହ କାର୍ଯ୍ୟାଳୟକୁ ଚଢ଼ାଉ କରି ବିଭିନ୍ନ କାଗଜପତ୍ର  ଜବତ କରିଛି।

ଭୁବନେଶ୍ୱର କଳିଙ୍ଗନଗରରେ ଥିବା ଟେକ୍ନୋଲଜିକାଲ୍‌ ଇନ୍‌ଭେନସନ୍‌ ମ୍ୟାନେଜମେଣ୍ଟ ନାଁରେ ଏକ ସଂସ୍ଥା କରି ସ୍କିଲ ଇଣ୍ଡିଆ ଯୋଜନାରେ ବେକାର ଯୁବକଙ୍କୁ ସ୍ଥାୟୀ ଚାକିରିର ଲୋଭ ଦେଖାଇ କୋଟି କୋଟି ଟଙ୍କା ଆଦାୟ କରିଥିଲା।।ସଂସ୍ଥାର ରାଜ୍ୟର ୩୧୪ ବ୍ଳକର ବିଭିନ୍ନ ପଦବୀରେ ନିଯୁକ୍ତି ଦେଇଥିଲେ ବି ଦରମା ଦେଉ ନ ଥିଲା।

ଗତକାଲି ଭୁବନେଶ୍ୱରରେ ଥିବା ମୁଖ୍ୟ କାର୍ଯ୍ୟାଳୟ ବନ୍ଦ ଥିବା ଦେଖି ସ୍ଥାନୀୟ କର୍ମଚାରୀ ଥାନାରେ ଅଭିଯୋଗ କରିଥିଲେ। ଭୁବନେଶ୍ୱର କାର୍ଯ୍ୟାଳୟରେ ଅବସ୍ଥାପିତ ୯୬ କର୍ମଚାରୀଙ୍କଠାରୁ ସଂସ୍ଥାର ନିର୍ଦ୍ଦେଶକ ୪ କୋଟି ୮୦ ଲକ୍ଷ ଟଙ୍କା ନେଇଥିବା ସେମାନେ ଅଭିଯୋଗ କରିଛନ୍ତି।