ସୁନ୍ଦରଗଡ଼: ବ୍ୟବସାୟିକ ଶତ୍ରୁତାକୁ କେନ୍ଦ୍ର କରି ସୁନ୍ଦରଗଡ଼ ଜିଲ୍ଲା ହନୁମାନ ଛକରେ ଜଣେ ଯୁବକଙ୍କ ଉପରକୁ ଗୁଳିମାଡ ହୋଇଛି। ଗତକାଲି ବିଳମ୍ବିତ ରାତିରେ ଏହି ଗୁଳିକାଣ୍ଡ ଘଟିଛି। ଆହତ ଯୁବକ ଜଣଙ୍କ ହେଲେ ଡେଲି ମାର୍କେଟ ଅଞ୍ଚଳର ଜିତୁ ଶେଖର ଦେଓ। ଗୁରୁତର ଅବସ୍ଥାରେ ଜିତୁଙ୍କୁ ରାଉରକେଲା ଆଇଜିଏଚରେ ଭର୍ତ୍ତି କରାଯାଇଛି। ଜିତୁ ବସ୍ ଷ୍ଟାଣ୍ଡରେ ଏଜେଣ୍ଟ ଭାବେ କାମ କରନ୍ତି। ଜିତୁ ହନୁମାନ ଛକ ସ୍ଥିତ ଏକ ଦୋକାନ ନିକଟରେ ଠିଆ ହୋଇଥିବାବେଳେ ଜଣେ ବସ୍ ମାଲିକ ଘନଶ୍ୟାମ ସିଂହ ସେଠାରେ ପହଞ୍ଚିଥିଲେ। ଜିତୁ ଓ ଘନଶ୍ୟାମଙ୍କ ମଧ୍ୟରେ କୌଣସି କଥାକୁ ନେଇ ଯୁକ୍ତିତର୍କ ହୋଇଥିଲା। ପରେ ଉତ୍ତ୍ୟକ୍ତ ଘନଶ୍ୟାମ ଗୁଳିକରି କେଉଁଆଡେ ଫେରାର ହୋଇଯାଇଥିଲା। ଏ ନେଇ ସୁନ୍ଦରଗଡ ଟାଉନ ଥାନାରେ ମାମଲା ରୁଜୁ ହୋଇଛି। ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ଅନୁସନ୍ଧାନ ଜାରି ରଖିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
