ରାଉରକେଲା: ରାଉରକେଲା ହାଇଟେକ୍ ମେଡିକାଲ କଲେଜ ଛାତ୍ରଛାତ୍ରୀମାନେ ଆଜି ଅଭିନବ ଉପାୟରେ ପ୍ରତିବାଦ କରିଛନ୍ତି। ସହରର ରାସ୍ତାରେ ସେମାନେ ଜୋତା ପଲିସ କରିଥିଲେ। କଲେଜ କର୍ତ୍ତୃପକ୍ଷ ଓ ସରକାରଙ୍କ ଦୃଷ୍ଟି ଆକର୍ଷଣ କରିବା ପାଇଁ ଛାତ୍ରଛାତ୍ରୀମାନେ ଏପରି ପ୍ରତିବାଦ ପ୍ରଦର୍ଶନ କରିଥିଲେ।
୨୦୧୫-୧୬ ଶିକ୍ଷାବର୍ଷର ଛାତ୍ରଛାତ୍ରୀଙ୍କ ବିଶ୍ୱବିଦ୍ୟାଳୟରେ ପଞ୍ଜୀକରଣ ହୋଇ ନ ପାରିବା ପ୍ରତିବାଦରେ ୨ଦିନ ହେଲା କଲେଜ ଆଗରେ ଛାତ୍ରଛାତ୍ରୀ ଧାରଣାରେ ବସିଛନ୍ତି। ସେମାନଙ୍କ ସହ ଅଭିଭାବକମାନେ ଆଜି ଧାରଣା ଦେଇଥିଲେ। ସରକାର ଏହି ମାମଲାରେ ଶୀଘ୍ର ହସ୍ତକ୍ଷେପ କରିବା ପାଇଁ ଦାବି କରାଯାଇଛି।
୨୦୧୫-୧୬ ଶିକ୍ଷାବର୍ଷ ପାଇଁ ନାମଲେଖାକୁ ସୁପ୍ରିମକୋର୍ଟ ଅବୈଧ ଘୋଷଣା ପରେ ଛାତ୍ରଛାତ୍ରୀଙ୍କ ଭବିଷ୍ୟତ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।