୬୫ ବର୍ଷୀୟା ଶବାନା ପ୍ରସିଦ୍ଧ ହିନ୍ଦୀ ଲେଖକ ପ୍ରେମଚାନ୍ଦଙ୍କ କ୍ଷୁଦ୍ର ଗଳ୍ପ ‘ଇଦ୍ଗାହ’ ଉପରେ ଆଧାରାତି ଏହି ଫିଲ୍ମରେ କାମ କରୁଛନ୍ତି। ଆଉ ଏହି ପ୍ରୋଜେକ୍ଟ କାମରେ ସେ ଏବେ କାଶ୍ମୀରରେ ଅଛନ୍ତି।
ଶବାନା ଟ୍ୱିଟ୍ କରି ତାଙ୍କର କାଶ୍ମୀର ଅନୁଭୂତି ବଖାଣିଛନ୍ତି। ସେ ଲେଖିଛନ୍ତି,“ସମୟ ଥିଲା ଯେତେବେଳେ ଆମେ ପ୍ରତିବର୍ଷ କାଶ୍ମୀରରେ ସୁଟିଂ କରୁଥିଲୁ। କିନ୍ତୁ ଏବେ ମୁଁ ୧୯୮୪ ପରେ ପ୍ରଥମ ଥର ପାଇଁ ଏଠାକୁ ସୁଟିଂ କରିବାକୁ ଆସିଛି। ପର୍ଯ୍ୟଟକଙ୍କ ସହିତ ମୋର ଭଲ ସମୟ ବିତୁଛି।”
ଶବାନା କିଛି ସୁନ୍ଦର ଫଟୋ ବି ଟ୍ୱିଟ୍ କରିଛନ୍ତି।
ଗୁଲମାର୍ଗ ନିକଟସ୍ଥ ଏକ ଗାଁରେ ଏହି ଫିଲ୍ମର ସୁଟିଂ ଚାଲିଛି। ଏହାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ପୀୟୁଷ ପଞ୍ଜୁଆନି।
‘ଇଦ୍ଗାହ’ ହେଉଛି ପ୍ରେମଚାନ୍ଦଙ୍କର ଏକ ପ୍ରସିଦ୍ଧ କ୍ଷୁଦ୍ରଗଳ୍ପ। ହମିଦ ନାମକ ଏକ ଛୋଟ ବାଳକ ହମିଦ ଓ ତା’ ଜେଜେମା’ ଅମୀନାଙ୍କ ଉପରେ ପର୍ଯ୍ୟବସିତ।