ମୁମ୍ୱାଇ: ଅମିତାଭ ବଚ୍ଚନଙ୍କ ବୋହୂ ତଥା ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ କରୋନାରେ ଆକ୍ରାନ୍ତ ହୋଇଥିବାବେଳେ ଏବେ ଆଉ ଜଣେ ଐଶ୍ୱର୍ଯ୍ୟା କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ସେ ହେଉଛନ୍ତି ତାମିଲ ଅଭିନେତ୍ରୀ ଐଶ୍ୱର୍ଯ୍ୟା ଅର୍ଜୁନ। ତାଙ୍କର ଆଉ ଏକ ପରିଚୟ ମଧ୍ୟ ରହିଛି। ସେ ହେଉଛନ୍ତି ପ୍ରସିଦ୍ଧ ଅଭାନେତା ଅର୍ଜୁନ ସରଜାଙ୍କ ଝିଅ।
ଐଶ୍ୱର୍ଯ୍ୟା ଅର୍ଜୁନ କରୋନାରେ ଆକ୍ରାନ୍ତ ହୋଇଥିବା ନେଇ ତାଙ୍କ ଇନଷ୍ଟାଗ୍ରାମ ଆକାଉଣ୍ଟ ଜରିଆରେ ସୂଚନା ଦେଇଛନ୍ତି। ସେ ଲେଖିଛନ୍ତି- ମୋର କୋଭିଡ-୧୯ ଟେଷ୍ଟ କରାଯାଇଥିଲା ଓ ଏହାର ରିପୋର୍ଟ ପଜିଟିଭ ଆସିଛି। ଏବେ ମୁଁ ହୋମ୍ କ୍ୱାରେଣ୍ଟାଇନ୍ରେ ଅଛି। ଏକ ମେଡିକାଲ ଟିମ୍ ମତେ ପରାମର୍ଶ ଦେଉଛନ୍ତି।
ଏହା ସହିତ ଗତ କିଛି ଦିନରେ ତାଙ୍କୁ ଭେଟିଥିବା ସମସ୍ତ ଲୋକଙ୍କୁ ସତର୍କ ରହିବାକୁ ଓ ନିଜର ଯତ୍ନ ନେବାକୁ ସେ ଅନୁରୋଧ କରିଛନ୍ତି।
ଐଶ୍ୱର୍ଯ୍ୟା ୨୦୧୩ରେ ତାମିଲ ଫିଲ୍ମ Pattathu Yaanaiରେ ଡେବ୍ୟୁ କରିଥିଲେ। ଶେଷଥର ପାଇଁ ତାଙ୍କୁ ୨୦୧୮ରେ କନ୍ନଡ଼ ଫିଲ୍ମ Prema Barahaରେ ଦେଖିବାକୁ ମିଳିଥିଲା।