ମୁମ୍ବାଇ: ବଲିଉଡ୍ ନିର୍ଦ୍ଦେଶକ ଅନୁରାଗ୍ କଶ୍ୟପ୍ ଟ୍ୱିଟରକୁ ଅଲବିଦା କରିଦେଇଛନ୍ତି। କାରଣ ତାଙ୍କ ଝିଅକୁ ହତ୍ୟା ଧମକ ଦିଆଯାଉଛି। କେବଳ ଏତିକି ନୁହେଁ, ତାଙ୍କ ବାପାମା’ଙ୍କ ନିକଟକୁ ଅଜଣା କଲ୍ ବି ଆସୁଛି। ଏଣୁ ଦୁଇଟି ଟ୍ୱିଟ୍ କରି ସେ ତାଙ୍କ ଟ୍ୱିଟର ଆକାଉଣ୍ଟକୁ ଡିଲିଟ୍ କରି ଦେଇଛନ୍ତି।
ଅନୁରାଗ୍ ସେମାନଙ୍କ ମଧ୍ୟରୁ ଜଣେ ଯିଏ ଖୋଲାଖୋଲି ନିଜ ମତ ସୋଶାଲ୍ ମିଡିଆରେ ପ୍ରକାଶ କରନ୍ତି। ଆଉ ସେଥିପାଇଁ ସେ ଆକ୍ରୋଶର ଶିକାର ହୋଇଥିବା କୁହାଯାଉଛି।
ସେହିଭଳି ଅନ୍ୟ ଏକ ଟ୍ୱିଟ୍ରେ ଲେଖିଛନ୍ତି, ‘ଆପଣମାନଙ୍କୁ ମୋର ଶୁଭକାମନା। ଏହା ମୋର ଶେଷ ଟ୍ୱିଟ୍ କାରଣ ମୁଁ ଟ୍ୱିଟର୍ ଛାଡୁଛି। ଯଦି ମୋତେ ନିର୍ଭୟର ସହିତ କହିବାକୁ ଦିଆଯିବ ନାହିଁ, ତା’ହେଲେ ମୁଁ ଆଦୌ ନ କହିବା ଭଲ।’
https://www.instagram.com/p/BxZPIokBk17/?utm_source=ig_web_copy_link
ସେ ଟ୍ୱିଟ୍ କରି ଲେଖିଥିଲେ,‘ସରକାରଙ୍କ ନିଷ୍ପତ୍ତି ନିଆଯିବାର ଶୈଳୀ ବେଶ୍ ଭୟାନକ ଲାଗୁଛି। କଶ୍ମୀରର ଅନେକ ପାର୍ଶ୍ୱ ଅଛି। କେଉଁଠା ଠିକ୍ ତ କେଉଁଟା ଭୁଲ୍। ବାସ୍ ଏତିକି ଜାଣିଛି ଯେ, ଯେଉଁଭଳି ଭାବେ ଏ ସବୁ ହୋଇଛି, ତାହା ଠିକ୍ ନୁହେଁ। ସବୁଠୁ ଭୟାନକ କ’ଣ ଜାଣନ୍ତି? ଯେତେବେଳେ ଜଣେ ଲୋକ ଭାବନ୍ତି ଯେ ସେ ୧୨୦ କୋଟି ଲୋକଙ୍କ ପାଇଁ କ’ଣ ଲାଭଦାୟକ, ତାହା ତାଙ୍କୁ ଜଣା। ଏଥିପାଇଁ ତାଙ୍କୁ ସୋଶାଲ୍ ମିଡିଆରେ ଖୁବ୍ ଟ୍ରୋଲ୍ କରାଯାଇଥିଲା।
.