ଭୁବନେଶ୍ୱର (ଓଡ଼ିଶା ରିପୋର୍ଟର): ବଲିଉଡ୍ ଅଭିନେତ୍ରୀ ବିଦ୍ୟା ବାଲନ ଅଭିନୟ ପାଇଁ ଯେମିତି ଜଣାଶୁଣା ନିଜ ଶାଢ଼ି ପ୍ରେମ ପାଇଁ ବି ସେମିତି ଜଣାଶୁଣା। ବିଦ୍ୟାଙ୍କ ପାଖରେ ଭଳିକି ଭଳି ଆଖି ଝଲସିଲା ଭଳି ଶାଢ଼ି ଥିବା ବେଳେ ଏଥର ସମ୍ବଲପୁରୀ ଶାଢ଼ିରେ ଚହଟିଛନ୍ତି। ଫିଲ୍ମ ‘ଶକୁନ୍ତଳା ଦେବୀ’ର ଇ-ପ୍ରମୋସନ୍ ଅବସରରେ ଏକ ସ୍ୱତନ୍ତ୍ର ସମ୍ବଲପୁରୀ ଶାଢ଼ିରେ ବିଦ୍ୟା ବେଶ୍ ଖୁସି ଲାଗୁଥିଲେ। ଏହାର ଏକ ଫଟୋ ସେ ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରେ ଶେଆର କରିଛନ୍ତି। ସମ୍ବଲପୁରୀ ଶାଢ଼ିରେ ବିଦ୍ୟାଙ୍କୁ ଦେଖି ଓଡ଼ିଆ ଲୋକେ ବେଶ୍ ଖୁସି ହୋଇଥିବା ବେଳେ ତାଙ୍କ ଭିଡିଓକୁ ସୋଶାଲ୍ ମିଡିଆରେ ଶେଆର ମଧ୍ୟ କରୁଛନ୍ତି।
I couldn't stop my self for posting this beautifully narrated video clip by @vidya_balan for #SambalpuriHandloom & culture. It's always been a matter of pride for all of us as being Sambalpuria.@HTH_Odisha @SambitAcharya @arvindpadhee @DianPadmini @tanaya_p @AnubhavMohanty_ pic.twitter.com/bfwL5qaGb9
— 𝗦𝗵𝗼𝘃𝗮𝗻 𝗥𝗮𝘁𝗵 (@shovansrath) July 30, 2020
ବିଦ୍ୟା ବାଲନ ପିନ୍ଧିଥିବା ଏହି ସମ୍ବଲପୁରୀ ଶାଢ଼ିଟି କଳା ରଙ୍ଗର ଓ ଏହା ଉପରେ ବିଭିନ୍ନ ଗାଣିତିକ ସୂତ୍ର ଏବଂ ସମସ୍ୟାର ସମାଧାନ ରହିଛି। ଏପରି ଏକ ମନଲୋଭା ସମ୍ବଲପୁରୀ ଶାଢ଼ି ପ୍ରସ୍ତୁତ କରିଥିବା ବୁଣାକାରଙ୍କୁ ଶୁଭେଚ୍ଛା ଓ କୃତଜ୍ଞତା ଜଣାଇଛନ୍ତି ବିଦ୍ୟା ବାଲନ। ଶାଢ଼ିଟିକୁ ସୋନପୁର କେନ୍ଦୁପାଲିର ରମାକାନ୍ତ ମେହେର ବୁଣିଥିବା ବେଳେ ଭୁବନେଶ୍ୱରର ଉତ୍କଳମିତ୍ର ସଂସ୍ଥା ଏହାର ବ୍ରାଣ୍ଡିଂ କରିଥିବା ବିଦ୍ୟା ସୂଚନା ଦେଇଛନ୍ତି।
Dear @vidya_balan Mam,infinite thanks to U!Ur unconditional love & support for our v.highly skilled #Odisha #sambalpuri #weavers gives us unending happiness!We remain #alwaysingratitude to U! #iwearodishahandloom #iwearsambalpurihandloom@BBSRBuzz @JagiPanda @tanaya_p @ShefVaidya pic.twitter.com/6ApsAq9pZN
— Utkalamrita (@Utkalamrita) July 30, 2020
ମଲବେରୀ ସିଲକ ସୂତାରେ ଏହି ବାନ୍ଧ ଶାଢ଼ିଟି ବୁଣିବା ପାଇଁ ଶ୍ରୀ ମେହେରଙ୍କୁ ମାସେ ସମୟ ଲାଗିଥିଲା। ଏବେ ‘ଶକୁନ୍ତଳା ଦେବୀ’ ସିନେମା ଜରିଆରେ ସାରା ଦୁନିଆରେ ସମ୍ବଲପୁରୀ ଶାଢ଼ିର ଲୋକପ୍ରିୟତା ଆହୁରି ବୃଦ୍ଧି ପାଇବ ବୋଲି ଆଶା କରାଯାଉଛି।
ଫିଲ୍ମ ‘ଶକୁନ୍ତଳା ଦେବୀ’ ଏକ ବାୟୋପିକ। ଏହା ମହାନ ଗଣିତଜ୍ଞ ଶକୁନ୍ତଳା ଦେବୀଙ୍କ ଜୀବନୀ ଉପରେ ଆଧାରିତ। ଫିଲ୍ମଟି ଆଜି ଆମାଜନ୍ ପ୍ରାଇମ୍ ଭିଡିଓରେ ରିଲିଜ୍ ହେବ।