ମୁମ୍ବାଇ: ଫିଲ୍ମ ‘ବାହୁବଳୀ’ ପରେ ଘରେ ଘରେ ପରିଚିତ ହୋଇଥିବା ଅଭିନେତା ରାଣା ଦଗ୍ଗୁବାତୀ ତାଙ୍କ ବାହାଘର ତାରିଖ ଘୋଷଣା କରିଛନ୍ତି। ଅଗଷ୍ଟ ୮ ତାରିଖରେ ତାଙ୍କ ବାହାଘର ହେବ।
ଲକ୍ଡାଉନ୍ ସମୟରେ ଗର୍ଲଫ୍ରେଣ୍ଡ ମିହିକା ବଜାଜଙ୍କ ସହିତ ତାଙ୍କର ନିର୍ବନ୍ଧ ସଂପନ୍ନ ହୋଇଥିଲା। ନିର୍ବନ୍ଧ ଶେଷ ହେବା ପରେ ସେ ସୋଶାଲ୍ ମିଡିଆରେ ଏ ସଂପର୍କରେ ସୂଚନା ଦେଇଥିଲେ ଓ ଫଟୋ ବି ଛାଡ଼ିଥିଲେ।
ରାଣା କହିଛନ୍ତି ଯେ ସେ ତାଙ୍କ ବ୍ୟକ୍ତିଗତ ଜୀବନ ସଂପର୍କରେ ଅଧିକ କିଛି କହିବାକୁ ଚାହାନ୍ତି ନାହିଁ। ତେବେ ସେ ମିହିକାଙ୍କୁ ବହୁତ ଭଲ ପାଆନ୍ତି। ମିହିକାଙ୍କ ଘର ତାଙ୍କ ଘର ଠାରୁ ମାତ୍ର ୩ କିଲୋମିଟର ଦୂର। ସେ ତାଙ୍କ ପରିବାର ସହ ରହନ୍ତି। ଦୁହିଁଙ୍କ ଘର ଅଧିକ ଦୂରରେ ନଥିବାରୁ ଲକ୍ଡାଉନ୍ରେ ନିର୍ବନ୍ଧ ବେଳେ ବିଶେଷ କିଛି ଅସୁବିଧା ହୋଇ ନଥିଲା।
ରାଣା କହିଛନ୍ତି ଯେ ତାଙ୍କ ବାହାଘରରେ ଅଧିକ ଲୋକ ସାମିଲ ହେବେ ନାହିଁ। କେବଳ ପରିବାର ଓ ଘନିଷ୍ଠ ବନ୍ଧୁଙ୍କ ଗହଣରେ ଏହି ବାହାଘର ହେବ।