ଓଡ଼ିଶାର ନୃତ୍ୟ, କଳା ଓ ସଙ୍ଗୀତର ଯାଦୁ ଏବେ ରିୟଲିଟି ସୋ’ ମାନଙ୍କର ଆକର୍ଷଣ ସାଜିଛି। ଓଡ଼ିଶାର ପ୍ରତିଯୋଗୀମାନେ ରିୟାଲିଟି ସୋ ଗୁଡ଼ିକରେ ଅଂଶ ଗ୍ରହଣ କରି ସଫଳତା ପାଉଛନ୍ତି । ଓଡ଼ିଶାର ଏମିତି ଏକ ଡ୍ୟାନ୍ସ ଗ୍ରୁପ୍ ‘ଗୌତମ ଡ୍ୟାନ୍ସ ଷ୍ଟୁଡ଼ିଓ’ ଏବେ ନୃତ୍ୟଭିତ୍ତିକ ରିୟଲିଟି ସୋ DID Li'L Champs,Season -4ରେ ଭାଗ ନେଇ ଉନ୍ନତ ନୃତ୍ୟ ପ୍ରଦର୍ଶନ କରିଛି। ଓଡିଶାର ଏକମାତ୍ର ଡ୍ୟାନ୍ସ ଗ୍ରୁପ୍ ଏହା ଶ୍ରେଷ୍ଠ-୧୬ ପ୍ରତିଯୋଗୀ ତାଲିକାରେ ସ୍ଥାନ ପାଇଛି।
ଏହି ରିୟଲିଟି ସୋ’ଟି ପ୍ରତି ଶନିବାର ଓ ରବିବାର ରାତି ୯ ଘଟିକାରେ Zee Tvରେ ପ୍ରସାରିତ ହେଉଛି। ଏହି ଡ୍ୟାନ୍ସ ଗ୍ରୁପ୍ରେ ଭୁବନେଶ୍ୱରର ନୃତ୍ୟଶିଳ୍ପୀ ରିଶିତା ପାଣିଗ୍ରାହୀ ଓ ସେହି ଗ୍ରୁପର ପ୍ରୀତି ବେହେରା, ସୁନେନା ମହାପାତ୍ର, ସ୍ଵସ୍ତିଦୀପା ପଟ୍ଟନାୟକ, ପ୍ରତିଭା ପ୍ରିୟଦର୍ଶନୀ କର ପ୍ରମୁଖ ଭାଗ ନେଇଛନ୍ତି। ସେମାନଙ୍କୁ ପ୍ରଶିକ୍ଷଣ ଦେଇଛନ୍ତି ଶ୍ରୀ ଗୌତମ ଭଟ୍ଟାଚାର୍ଯ୍ୟଙ୍କ। ଏବେ ପ୍ରଥମ ସ୍ଥାନରେ ପହଞ୍ଚିବାକୁ ଅପେକ୍ଷା।