ତ୍ରିକୋଣୀୟ ପ୍ରେମକୁ ନେଇ ଆସୁଛି ‘ଫିଲ୍‌ ମାଇଁ ଦିଲ୍‌’: ଭରି ରହିଛି ରୋମାଞ୍ଚ

<p>ତ୍ରିକୋଣୀୟ ପ୍ରେମ କାହାଣୀକୁ ନେଇ ତିଆରି ହେଉଛି ଓଡ଼ିଆ ଫିଲ୍ମ &#039;ଫିଲ୍&zwnj; ମାଇଁ ଦିଲ୍&zwnj;&#039;। ଏହାର ନିର୍ଦ୍ଦେଶନା ଦାୟିତ୍ୱ ସମ୍ଭାଳିଛନ୍ତି ନିର୍ଦ୍ଦେଶକ ଶୈଳେନ୍ଦ୍ର ମିଶ୍ର। ପୂର୍ବରୁ &#039;ଦେଲେ ଧରା କଥା ସରେ&#039; ଫିଲ୍ମରେ ନିର୍ଦ୍ଦେଶନା ଦେଇଥିବା ଶୈଳେନ୍ଦ୍ର। ଏହି ଫିଲ୍ମ ଜରିଆରେ ଶୈଳେନ୍ଦ୍ର ଏକ&nbsp; ଭିନ୍ନ କାହାଣୀ ଦର୍ଶକଙ୍କୁ ଭେଟି ଦେବାକୁ ଯାଉଛନ୍ତି। ଫିଲ୍ମଟି ସୁଟିଂ ଫେବୃଆରୀ ୨ ତାରିଖରୁ ଆରମ୍ଭ ହେବ।</p> <p>ଫିଲ୍ମଟି ତ୍ରିକୋଣୀୟ ପ୍ରେମ କାହାଣୀକୁ ନେଇ ତିଆରି ହେଉଛି। ଏଥିରେ ପ୍ରଥମେ ନାୟକ ଏକ ଝିଅକୁ ଭଲ ପାଇବସେ। ଅନେକ ବାହାନା ପରେ ଝିଅଟି ନାୟକର ପ୍ରେମକୁ ସ୍ୱୀକାର କରେ। କିନ୍ତୁ ଝିଅର ବାପା ଉଭୟଙ୍କ ପ୍ରେମକୁ ସ୍ୱୀକାର କରନ୍ତି ନାହିଁ। ପରେ ଅନେକ ଘଟଣା ଘଟିଯାଏ ଓ ଉଭୟଙ୍କୁ ଅଲଗା ହୋଇଯାଆନ୍ତି। ପରେ ହିରୋ ଦୁଃଖରେ ଭାଙ୍ଗି ପଡ଼ି କୁ-ଅଭ୍ୟାସରେ ପଡ଼ିଯାଏ। ଏହି ସମୟରେ ନାୟକ ଜୀବନରେ ଆସିଛି ନୂଆ ମୋଡ଼। ତାଙ୍କୁ ଭଲ ପାଇ ବସେ ଖୁସୀ ନାମକ ଜଣେ ଝିଅ। ଉଭୟଙ୍କର ପ୍ରେମ ଆଗକୁ ବଢ଼େ। ତା&rsquo;ପରେ କ&rsquo;ଣ ସବୁ ରୋମାଞ୍ଚ ଦେଖିବାକୁ ମିଳେ ଏହା ଫିଲ୍ମ ଦେଖିଲେ ଜାଣି ପାରିବେ।</p> <p>ଫିଲ୍ମରେ ନାୟକ ଭୂମିକାରେ ସମ୍ବିତ ଆଚାର୍ଯ୍ୟ ଥିବା ବେଳେ ମୁଖ୍ୟ ନାୟିକା ଭୂମିକାରେ ଅଛନ୍ତି ବଙ୍ଗୀୟ ସୁନ୍ଦରୀ ଏଲ୍&zwnj;ସା ଘୋଷ। ଏଥିସହିତ ଫିଲ୍ମରେ ମିହିର ଦାସ୍, ଦିବ୍ୟା, ପ୍ରିୟଙ୍କା ମହାପାତ୍ର, ନିତୁ ସିଂ, ପିଣ୍ଟୁ ନନ୍ଦ ପ୍ରମୁଖ ଅଭିନୟ କରୁଛନ୍ତି। ଦେବୋଲିନା ପ୍ରଡକ୍ସନରେ ତିଆରି ହେଉଥିବା ଫିଲ୍ମର ପ୍ରଯୋଜନା ଦେଉଛନ୍ତି ମୃତ୍ୟୁଞ୍ଜୟ କୁମାର ରାଉତ ଏବଂ ପଙ୍କଜ ରାଉତ୍। କାହାଣୀ ଓ ସଂଳାପ ଲେଖିଛନ୍ତି ଡ. ରଞ୍ଜନୀ ରଞ୍ଜନ। ସଂଗୀତ ଦେଇଚନ୍ତି ଅଭିଜିତ୍&zwnj; ମଜମୁଦାର।</p>