ମୁମ୍ବାଇ: ବଲିଉଡର ଆକ୍ସନ ହିରୋ ଅକ୍ଷୟ କୁମାର ଲଭ୍, ରୋମାନ୍ସ, ସସପେନ୍ସରେ ଦର୍ଶକଙ୍କ ମନ ଜିଣିବା ପରେ ଏବେ ସେ ବଡ଼ ପରଦାରେ ହକି ଖେଳାଳି ଚରିତ୍ରରେ ନଜର ଆସିବେ। ନିକଟରେ ଅକ୍ଷୟ ତାଙ୍କ ନୂଆ ଫିଲ୍ମ ‘ଗୋଲ୍ଡ’ର କେବଳ ନାମ ଘୋଷଣା କରିଥିଲେ କିନ୍ତୁ ଫିଲ୍ମ ସହିତ ଜଡିତ ଥିବା କୌଣସି ତଥ୍ୟ ସଂପର୍କରେ ସେ ଆଲୋଚନା କରି ନଥିଲେ। ଫିଲ୍ମର ଟିଜର ରିଲିଜ ପରେ ଏହା ଖେଳକୁ ନେଇ ନିର୍ମାଣ କରାଯାଇଥିବା ଖବର ସାମ୍ନାକୁ ଆସିଛି।
ଫିଲ୍ମର କାହାଣୀ ୧୯୪୮ ରେ ଭାରତ ପ୍ରଥମ ଥର ଅଲମ୍ପିକ୍ସରେ ‘ଗୋଲ୍ହ’ ଜିତିବାକୁ ନେଇ କରାଯାଇଛି। ଫିଲ୍ମରେ ଅକ୍ଷୟ ହକି ଲିଜେଣ୍ଡ ବଲବୀର ସିଂହଙ୍କ ଚରିତ୍ରରେ ଦର୍ଶକଙ୍କ ସାମ୍ନାକୁ ଆସିବେ। ହକିରେ ଭାରତକୁ ‘ଗୋଲ୍ଡ’ ମେଡାଲ ଜିତାଇବାରେ ବଲବୀର ସିଂହ ଭୂମିକା କିପରି ରହିଥିଲା ତାହା ଅକ୍ଷୟ ବଲବୀରଙ୍କ ଚରିତ୍ରରେ ମାଧ୍ୟମରେ ଦେଖାଇବେ। ଆମୀର ଓ ଶାହାରୁଖଙ୍କ ପରେ ଏବେ ଖେଳକୁ ନେଇ ଫିଲ୍ମରେ ଅକ୍ଷୟଙ୍କୁ କେତେଦୂର ଦର୍ଶକ ପସନ୍ଦ କରିବେ ତାହା ଫିଲ୍ମର ରିଲିଜ ପରେ ହିଁ ଜଣାଯିବ।