ମୁମ୍ବାଇ: ଫିଲ୍ମ ‘ଓକେ ଜାନୁ’ରେ ମୁଁ ଏକ ଭିନ୍ନ ଚରିତ୍ରରେ ନଜରକୁ ଆସିବି। ଏହି ଫିଲ୍ମରେ ମୋ ବିପକ୍ଷରେ ନାୟକ ସାଜିବେ ଆଶିକ୍ୟୁ-୨ ଷ୍ଟାର ଆଦିତ୍ୟ ରାୟ କାପୁର। ରବିବାର ଏହା କହିଛନ୍ତି ବାଗି ଷ୍ଟାର ଶ୍ରଦ୍ଧା କାପୁର।
ତାମିଲ ଫିଲ୍ମ ‘ଓକେ କନ୍ମାନି’ର ରିମେକ ହେଉଛି ‘ଓକେ ଜାନୁ’। ଏଥିରେ ପୁଣି ଏକାଠି ଦେଖିବାକୁ ମିଳିବ ଆଶିକ୍ୟୁ-୨ର ନାୟକ (ଆଦିତ୍ୟ ରାୟ କାପୁର) ଓ ନାୟିକା (ଶ୍ରଦ୍ଧା କାପୁର)ଙ୍କୁ।
ଶ୍ରଦ୍ଧା କହିଛନ୍ତି, “ଆମେ ଦୁହେଁ ଆଶିକ୍ୟୁ-୨ରେ ପ୍ରେମର ବର୍ଷା କରିଥିଲୁ। ଏହି ଫିଲ୍ମରେ ମଧ୍ୟ ଆମେ ଦୁହିଁଙ୍କର ପ୍ରେମ ଦେଖିବାକୁ ମିଳିବ। ମୁଁ ଏହି ଫିଲ୍ମର ଏକ ଗୁରୁତ୍ୱପୂର୍ଣ୍ଣ ଅଂଶ ଥିବାରୁ ନିଜକୁ ଗର୍ବିତ ଅନୁଭବ କରୁଛି। ମୁଁ ମୋ ଚରିତ୍ର ମାଧ୍ୟମରେ ଦର୍ଶକଙ୍କୁ ପ୍ରେମରେ ଭସାଇବି।”