ବରଗଡ଼: ବରଗଡ଼ ସୌଖୀନ ରଙ୍ଗମଞ୍ଚରେ ଉନ୍ମୋଚିତ ହୋଇଯାଇଛି ସମ୍ବଲପୁରୀ କ୍ଷୁଦ୍ର ଚଳଚ୍ଚିତ୍ର ‘ଜଲୁଛେ ପୁଟା’ର ସିଡି। ବରଗଡ଼ ଏସ୍ପି ଆଶିଷ କୁମାର ସିଂ ମୁଖ୍ୟ ଅତିଥି ଓ ବରଗଡ଼ ଓକିଲ ସଂଘର ପୂର୍ବତନ ସଭାପତି ବିଭୂତି ପାଢ଼ୀ ଓ ନାଟ୍ୟ ନିର୍ଦ୍ଦେଶକ ହରିହର ମିଶ୍ର ସମ୍ମାନିତ ଅତିଥି ଭାବେ ଯୋଗ ଦେଇ ଏହାକୁ ଉନ୍ମୋଚିତ କରିଥିଲେ।
ଚାଷୀ ଆତ୍ମହତ୍ୟା, ଋଣଭାର ଓ ସରକାରୀ ସହାୟତାର ହରିଲୁଟ୍କୁ ନେଇ ବ୍ୟଙ୍ଗାତ୍ମକ ଶୈଳୀରେ ନିର୍ମିତ ହୋଇଛି ‘ଜଲୁଛେ ପୁଟା’। ବେଲପାହାଡ଼ର ଆଲୋକ ତ୍ରିପାଠୀ ଏହାର କାହାଣୀ ଲେଖିବା ସହିତ ନିର୍ଦ୍ଦେଶନା ମଧ୍ୟ ଦେଇଛନ୍ତି।