ମୁମ୍ବାଇ: ଆମେ ଗତକାଲି ଲେଖିଥିଲୁ ଯେ ‘ଦ କପିଲ ଶର୍ମା ଶୋ’କୁ ସୁନୀଲ ଗ୍ରୋଭର ଫେରିବେ। ଏଥିପାଇଁ ସଂପୃକ୍ତ ଚ୍ୟାନେଲ୍ କର୍ତ୍ତୃପକ୍ଷ ତାଙ୍କୁ ମନାଇବାରେ ସକ୍ଷମ ହୋଇଛନ୍ତି। ତେବେ ଏ ଖବର ଜଣାପଡ଼ିବା ପରେ ପୁଣି ଚର୍ଚ୍ଚାକୁ ଆସିଯାଇଛନ୍ତି କପିଲ। ସୁନୀଲ ଶୋକୁ ଫେରିବା ପୂର୍ବରୁ କପିଲ ନିଜ ଫି’ ବଢ଼ାଇବା ପାଇଁ ଦାବି କରିଥିବା ଶୁଣିବାକୁ ମିଳିଛି। ସେ ତାଙ୍କ ପାଉଣାରେ ୫୦ ପ୍ରତିଶ୍ରତ ବୃଦ୍ଧି ଚାହୁଁଛନ୍ତି। ଟିଆର୍ପି ଖସିବା ପରେ ସଂପୃକ୍ତ ଚ୍ୟାନେଲ୍ ତରଫରୁ କପିଲଙ୍କୁ ବିକଳ୍ପ ଦିଆଯାଇଥିଲା ଶୋର ସମସ୍ତ କଳାକାରଙ୍କୁ ଫେରାଇ ଆଣିବାକୁ। ତେବେ ଏଭଳି କିଛି କରିବା ପୂର୍ବରୁ କପିଲ ନିଜ ଫି’ ବଢ଼ାଇବା ଦାବି କରିବା ଘଟଣାକୁ ଅନେକ ଗ୍ରହଣ କରିପାରିନାହାନ୍ତି। ଏତେ ସବୁ କାଣ୍ଡ ହେଲା ପରେ ବି କପିଲ କିଛି ଶିକ୍ଷା ଲାଭ କରିପାରିଲେ ନାହିଁ ବୋଲି କୁହାଯାଉଛି।
ସୁନୀଲ ଶୋକୁ ଫେରିବା ପାଇଁ ଅଧିକ ଅର୍ଥ ଦାବି କରିଥିବା ଖବର ଆସିଥିଲା। ତେବେ ଗତକାଲି ସେ ଟ୍ୱିଟ୍ କରି କହିଥିଲେ ଯେ ପଇସା ଅପେକ୍ଷା ଆତ୍ମସମ୍ମାନ ତାଙ୍କ ପାଇଁ ବଡ଼।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
