ମୁମ୍ବାଇ: ଖାନ୍ ବ୍ରଦର୍ସଙ୍କ ମଧ୍ୟରେ ଥିବା ନିବିଡ଼ତାକୁ ନେଇ ବଲିଉଡ୍ରେ ସବୁବେଳେ ଚର୍ଚ୍ଚା। ବି' ଟାଉନ୍ର ଅଧିକାଂଶ ଅଭିନେତା-ଅଭିନେତ୍ରୀ ପରିବାର ଛାଡ଼ି ଏକା ରହିବାକୁ ଭଲ ପାଉଥିବାବେଳେ 'ଦବଙ୍ଗ ଖାନ୍' ସଲ୍ମାନ୍ ଓ ତାଙ୍କ ପରିବାର କିନ୍ତୁ ଏ କ୍ଷେତ୍ରରେ ଅନ୍ୟମାନଙ୍କ ଠାରୁ ନିଆରା। କାହିଁ କେତେ ବର୍ଷରୁ ସଲମାନ୍ଙ୍କ ବାପା, ମା' ଓ ପୂରା ପରିବାର ଗ୍ୟାଲାକ୍ସି ଆପାର୍ଟ୍ମେଣ୍ଟ୍ରେ ଏକାଠି ରହୁଛନ୍ତି। ଭାଇ ଓ ଭଉଣୀମାନଙ୍କ ମଧ୍ୟରେ ଥିବା ଗାଢ଼ ପ୍ରେମ ପାଇଁ ଇଣ୍ଡଷ୍ଟ୍ରୀରେ ସମସ୍ତେ ଖାନ୍ ଫ୍ୟାମିଲିକୁ ମୁକ୍ତ ପ୍ରଶଂସା କରନ୍ତି। ସଲମାନ୍ ଓ ତାଙ୍କ ଭାଇ ଭଉଣୀମାନେ ବାପା ମା'ଙ୍କ ସହ ଏକାଠି ପ୍ରତିଟି ଉତ୍ସବ ପାଳନ୍ତି ଓ ପରସ୍ପର ସହ ଖୁବ୍ ମଜା ମସ୍ତି କରନ୍ତି। ଏବେ କ୍ରିସ୍ମାସ୍ ପାର୍ଟିରେ ତିନି ଭାଇ ଏକାଠି ନାଚୁଥିବାର ଏକ ଭିଡିଓ ସାମ୍ନାକୁ ଆସିଛି, ଯାହା ସୋଶାଲ୍ ମଡିଆରେ ଖୁବ୍ ଭାଇରାଲ୍ ହେଉଛି।
https://www.instagram.com/p/Br0O7BbjWqd/?utm_source=ig_web_copy_link
ଆଗକୁ ଆସୁଥିବା ନିଜ ଜନ୍ମଦିନ ପରିବାର ସହ ପାଳିବା ପାଇଁ ସଲମାନ୍ ଏବେ ନିଜ ଅପ୍କମିଂ ଫିଲ୍ମ ‘ଭାରତ’ର ଶୁଟିଂରୁ ଛୁଟି ନେଇଛନ୍ତି। ସୂଚନା ଅନୁସାରେ, ପର୍ନଭେଲ୍ସ୍ଥିତ ନିଜ ଫାର୍ମ ହାଉସ୍ରେ ସଲମାନ୍ ପରିବାର ଓ କିଛି ଅନ୍ତରଙ୍ଗ ବନ୍ଧୁଙ୍କ ନିଜ ବର୍ଥ ଡେ' ୨ ଦିନ ଧରି ପାଳିବେ। ଫିଲ୍ମ ‘ଭାରତ’ ଆସନ୍ତା ବର୍ଷ ଇଦ୍ରେ ରିଲିଜ୍ ହେବ।