ଖୁବଶୀଘ୍ର ଆସୁଛି ‘ହାଉସ୍‌ ଫୁଲ୍-୩’

ମୁମ୍ବାଇ: ବି-ଟାଉନ୍‌କୁ ଖୁବଶୀଘ୍ର ଆସୁଛି ‘ହାଉସ୍‌ ଫୁଲ୍-୩’। ଏହି ଫିଲ୍ମ ଆସନ୍ତା ଜୁନ୍‌ରେ ରିଲିଜ୍ ହେବ। ଏହାର ସୁଟିଂ କାର୍ଯ୍ୟ ଅକ୍ଟୋବରରୁ ଆରମ୍ଭ ହୋଇଛି। ଏବେ ଏହି ଫିଲ୍ମ ଶେଷ ଭାଗର କିଛି ଅଂଶ ଭାରତରେ ସୁଟିଂ ଚାଲିଥିବା ବେଳେ ଆଉ କିଛି ଅଂଶ ବିଦେଶରେ ଚାଲିଛି। ୨୦୧୦ର ‘ହାଉସ୍‌ ଫୁଲ’ ଓ ୨୦୧୨ର ‘ହାଉସ ଫୁଲ-୨’ର ସଫଳତା ପରେ ନିର୍ଦ୍ଦେଶକ ସାଜିଦ୍‌ ନଜିଆଦ୍‌ୱାଲା ଏହି ଫିଲ୍ମର ସିକ୍ୟୁଏଲ କରିବାକୁ ସ୍ଥିର କରିଛନ୍ତି। ଏଥିରେ ବିଭିନ୍ନ ଭୂମିକାରେ ଅକ୍ଷୟ କୁମାର, ଅଭିଶେଖ ବଚ୍ଚନ୍, ରିତେଶ ଦେଶମୁଖ୍‌, ଜେ. ଫର୍ଣ୍ଣାଣ୍ଡିସ୍‌, ନାର୍ଗିସ୍‌ ଫକ୍ରି, ଲିସା ହେଦୋନ୍, ବମନ ଇରାନୀ, ଜ୍ୟାକି ସ୍ରଫ୍‌, ଚମକି ପାଣ୍ଡେ ଓ ସମୀର କୋଚେ ପ୍ରମୁଖ ଅଭିନୟ କରିବେ।  ଅନ୍ୟପକ୍ଷରେ ଏହି ସିନେମାରେ ଐଶର୍ଯ୍ୟାଙ୍କ ୱାକ୍ସ ଷ୍ଟାଚ୍ୟୁକୁ ନେଇ କାହାଣୀ ଗତିଶୀଳ ହେବ। ନିର୍ଦ୍ଦେଶକ ସାଜିଦ୍ ନାଜିଆଦୱାଲା ଏହି ସିକ୍ୱେନ୍ସକୁ ଲଣ୍ତନର ମ୍ୟାଡାମ୍ ତୁଷାଦ ମ୍ୟୁଜିୟମ୍‌ରେ ସୁଟ୍ କରିବେ ବୋଲି ଶୁଣିବାକୁ ମିଳୁଥିଲା। କିନ୍ତୁ ଅନୁମତି ନ ମିଳିବାରୁ ଏବେ ସେ ଗୋଟେ ସେଟ୍ ତିଆରି କରି ଏହି କାମ କରିବେ ବୋଲି ଜଣାପଡିଛି।