ମୁମ୍ବାଇ : ନିର୍ଦ୍ଦେଶକ ରାକେଶ ଓମପ୍ରକାଶ ମେହରାଙ୍କ ଆଗାମୀ ଫିଲ୍ମ ‘ମିର୍ଯୟା’ ର ଟ୍ରେଲର ରିଲିଜ୍ ହୋଇଯାଇଛି । ଟ୍ରେଲର ପୂର୍ବରୁ ଫିଲ୍ମର ଦୁଇଟି ଯାକ ଟିଜର ମଧ୍ୟ ରିଲିଜ୍ ହୋଇସାରିଛି । ଟିଜର ଦୁଇଟି ଦର୍ଶକଙ୍କ ବେଶ ପସନ୍ଦ ହୋଇଛି। ଏବେ ଟ୍ରେଲର ରିଲଜ ପରେ ପ୍ରଶଂସକଙ୍କ ମଧ୍ୟରେ ଫିଲ୍ମକୁ ନେଇ ଉତ୍କଣ୍ଠା ବଢାଇବା ଲାଗିଛି।
ହର୍ଷବର୍ଦ୍ଧନ କପୁର ଏବଂ ସୈୟାମୀ ଖେର ଷ୍ଟାରର୍ ଫିଲ୍ମ ‘ମିର୍ଯୟା’ ର ଟ୍ରେଲରକୁ ଏପର୍ଯ୍ୟନ୍ତ ୧,୬୦,୦୦୦ରୁ ଅଧିକ ଲୋକ ଦେଖି ସାରିଲେଣି। ଫିଲ୍ମଟି ମିର୍ଯା ଏବଂ ସାହିବାନଙ୍କ ଅମର ପ୍ରେମ କାହାଣୀ ଉପରେ ଆଧାରିତ। ଫିଲ୍ମରେ ପ୍ରେମ କାହାଣୀଟି ପୌରାଣିକ ଗାଥା ଓ ଆଧୁନିକ ସମାଜକୁ ନେଇ ଗତି କରିଛି। ଫିଲ୍ମ ଜରିଆରେ ଅନିଲ୍ କପୁରଙ୍କ ପୁଅ ହର୍ଷବର୍ଦ୍ଧନ କପୁର ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି ।