ହାଇଦ୍ରାବାଦ: ରାତି ପାହିଲେ ବାଜିବ ଶାହାନାଇ। ପଡିବ ହାତଗଣ୍ଠି, ନେବେ ସାତ ଫେରା। ହାତକୁ ଦି ହାତ ହେବେ ସାଉଥ ସୁନ୍ଦରୀ ନୟନ ତାରା। ଦୀର୍ଘ ଦିନର ସାଥୀ ବିଘ୍ନେଶଙ୍କୁ କରିବେ ନିଜ ସାତ ଜୀବନର ସାଥୀ। ଆସନ୍ତାକାଲି ବିଘ୍ନେଶଙ୍କ ବେକରେ ବରଣାମାଲା ପକାଇବେ ନୟନତାରା।
ସାଉଥର ଶ୍ରେଷ୍ଠ ଅଭିନେତ୍ରୀଙ୍କ ମଧ୍ୟରୁ ଜଣେ ନୟନତାରା। ବଡ ବଡ କଳାକାରଙ୍କ ସହ କାମ କରିଥିବା ନୟନତାରା ଦୀର୍ଘ ଦିନ ଧରି ଇଣ୍ଡଷ୍ଟ୍ରିରେ କାମ କରିଆସୁଛନ୍ତି। ଏବେ ଏହି ଅଭିନେତ୍ରୀ ଖୁବ୍ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ନିକଟରେ ତାଙ୍କର ବିବାହ ତାରିଖ ଘୋଷଣା କରାଯାଇଛି। ଜୁନ୍ ୯ରେ ନୟନତାରା ନିର୍ଦ୍ଦେଶକ ବିଘ୍ନେଶଙ୍କୁ ବିବାହ କରିବେ।
ମହାବାଲିପୁରମ୍ର ଏକ ରିସୋର୍ଟରେ ଏହି ଗ୍ରାଣ୍ଡ ବିବାହ ଅନୁଷ୍ଠିତ ହେବ। ଦେଶର ଅନେକ ପ୍ରସିଦ୍ଧ ବ୍ୟକ୍ତିତ୍ୱ ଏହି ବିବାହରେ ସାମିଲ ହେବେ। ବର ଏବଂ କନ୍ୟା ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ସହ ତାଙ୍କ ବଡ ବଡ କଳାକାରମାନଙ୍କୁ ଏହି ବିବାହ ନିମନ୍ତ୍ରଣ କରିଛନ୍ତି।
ମିଡିଆ ରିପୋର୍ଟ ଅନୁସାରେ ନୟନତାରା ଓ ବିଘ୍ନେଶଙ୍କ ୱେଡିଂ କାର୍ଡ ଭିଡିଓ ନିକଟ ବନ୍ଧୁ ବାନ୍ଧବଙ୍କ ପାଖକୁ ପଠାଯାଇଛି। ଏହା ଏକ ଗ୍ରାଫିକାଲ ଭିଡିଥ, ଯେଉଁଥିରେ ନୟନତାରା ଓ ବିଘ୍ନେଶଙ୍କ ଭଳି ଦେଖାଯାଉଥିବା ବର କନିଆଁଙ୍କୁ ଦର୍ଶାଯାଇଛି। ଏହି ଗ୍ରାଫିକ୍ସ ନିମନ୍ତ୍ରଣ କାର୍ଡକୁ ନୟନତାରା ନିଜ ଇନଷ୍ଟାଗ୍ରାମରେ ଶେଆର କରିଛନ୍ତି।
ତେବେ ଏହି ବିବାହକୁ ଅଧିକ ଲୋକଙ୍କୁ ଆମନ୍ତ୍ରିତ କରାଯାଇ ନାହିଁ। ଏହି ବିବାହରେ କେବଳ ଘନିଷ୍ଠ ବନ୍ଧୁବାନ୍ଧକ ଓ ପରିବାର ଲୋକେ ହିଁ ସାମିଲ ହେବେ। ନୟନତାରା ଓ ବିଘ୍ନେଶଙ୍କ ବିବାହ ପାଇଁ ଏକ ଡ୍ରେସ୍ କୋଡ୍ ମଧ୍ୟ ରଖାଯାଇଛି। ଏଥେନିକ ଡ୍ରେସ୍ ପିନ୍ଧି ଅତିଥିମାନଙ୍କୁ ବିବାହରେ ଯୋଗ ଦେବାକୁ କୁହାଯାଇଛି।
କହିବାକୁ ଗଲେ ନୟନତାରା ଏବଂ ବିଘ୍ନେଶ ଗତ ୬ ବର୍ଷ ଧରି ପରସ୍ପରକୁ ଡେଟ୍ କରୁଥିଲେ। ସେମାନଙ୍କର ପ୍ରେମ କାହାଣୀ ବିଷୟରେ କହିବାକୁ ଗଲେ ଉଭୟ ୨୦୧୫ରେ 'ନାନୁମ ରାଉଡି' ଫିଲ୍ମରେ ଏକାଠି କାମ କରିଥିଲେ ଏବଂ ପରେ ସେମାନେ ପରସ୍ପରକୁ ପସନ୍ଦ କରିବାକୁ ଲାଗିଲେ । ଗତ ବର୍ଷ ଦୁହେଁ ନିର୍ବନ୍ଧ କରିଥିଲେ।
https://twitter.com/Jeanpie77/status/1534204259100938242?s=20&t=eCqKGuvCNMO9ha-9jCHuww
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
