ମୁମ୍ବାଇ: ଫିଲ୍ମ ଜଗତରେ ସବୁବେଳେ ଦେଖାଯାଏ ଯେ ପିତା ନିଜ ସନ୍ତାନକୁ ଫିଲ୍ମରେ ଆଣିବା ପାଇଁ ପ୍ରଯୋଜକ ହୋଇଯାଆନ୍ତି। ପ୍ରଯୋଜକ ପିତା ନିଜ ସନ୍ତାନକୁ ଫିଲ୍ମ ଜଗତରେ ପରିଚିତ କରିବା ପାଇଁ ଅର୍ଥଶ୍ରାଦ୍ଧ କରନ୍ତି। ମାତ୍ର ଏଭଳି ଜଣେ ପୁଅ ଅଛନ୍ତି ଯିଏ କି ପ୍ରଯୋଜକ ହେବା ପାଇଁ ନିଷ୍ପତ୍ତି କରି ତାଙ୍କ ପ୍ରଥମ ଫିଲ୍ମରେ ନିଜ ପିତାଙ୍କୁ ମୁଖ୍ୟ ଭୂମିକାରେ ନେଇଛନ୍ତି। ସେ ହେଉଛନ୍ତି ରାମ ଚରଣ। ରାମ ତାମିଲ ଫିଲ୍ମ ‘କାତୀ’ର ରିମେକ ତିଆରି କରୁଛନ୍ତି ଏବଂ ସେ ଏହି ଫିଲ୍ମରେ ନିଜ ପିତା ଚିରଞ୍ଜିବୀଙ୍କୁ କାଷ୍ଟ କରିଛନ୍ତି। ତାଙ୍କ ପ୍ରଡକ୍ସନ କମ୍ପାନୀର ନାମ ହେଉଛି କୋନିଡେଲା ପ୍ରଡକ୍ସନ କମ୍ପାନୀ।
ଫିଲ୍ମର ସୁଟିଂ ୨୩ ଜୁନରୁ ଆରମ୍ଭ ହୋଇଛି। ଏହା ସୁପରଷ୍ଟାର ଚିରଞ୍ଜିବୀଙ୍କର ୧୫୦ତମ ଫିଲ୍ମ ହେବ। ରାମ ସବୁବେଳେ ନିଜ ପିତାଙ୍କ ପାଇଁ କିଛି ସ୍ୱତନ୍ତ୍ର କରିବାକୁ ଚାହୁଁଥିଲେ ଏବଂ ସେ ଏହି ଉପାୟରେ ପିତାଙ୍କ ପାଇଁ ନିଜ ସମ୍ମାନ ଓ ଭଲ ପାଇବା ଦେଖାଇଛନ୍ତି। ଏବେ ଦେଖିବାକୁ ବାକି ରହିଲା ଏହି ବାପପୁଅଙ୍କ ଯୋଡି କିଭଳି ଧମାଲ ଦେଖାଉଛନ୍ତି।