କାଲି ପରଦାକୁ ଆସୁଛି ହାପି-ଲକି: ଦେଖନ୍ତୁ ଜ୍ୟୋତି-ଏଲିନାଙ୍କ ସହ କିଛି ରୋମାନ୍ସ ସିନ୍‌

<p>ଭୁବନେଶ୍ୱର:(ଓଡ଼ିଶା ରିପୋର୍ଟର):କାଲି ପରଦାକୁ ଆସୁଛି ତରଙ୍ଗ ସିନେ ପ୍ରଡକ୍ସନ୍ସର ମଲ୍ଟି ଷ୍ଟାରର ରୋମାଣ୍ଟିକ୍-ଆକ୍ସନ୍ ମୁଭି ହାପି-ଲକି। କଟକ ଜୟଶ୍ରୀ ହଲରେ ହେବ ଏହାର ପ୍ରିମିୟର ଶୋ। ରିଲିଜ ପୂର୍ବରୁ ଫିଲ୍ମର ଟ୍ରେଲର୍ ଓ ଗୀତକୁ ଦର୍ଶକ ବେଶ ପସନ୍ଦ କରିଥିବା ବେଳେ ଫିଲ୍ମ ରିଲିଜ ହେବା ପରେ ଏହା ବେଶ ସଫଳତା ହାସଲ କରିବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା।</p> <p>ସୁଧାଂଶୁ ସାହୁ ନିର୍ଦ୍ଦେଶିତ ରୋମାଣ୍ଟିକ-ଆକ୍ସନ ମୁଭି ହାପି-ଲକିରେ&nbsp; ସମ୍ବିତ,ଏଲିନା ଓ ଜ୍ୟୋତିଙ୍କ ସହ ଏଥିରେ ଡେବ୍ୟୁ କରୁଛନ୍ତି ନବାଗତା ସସ୍ମିତା। &nbsp;&nbsp;ଲଭ ରୋମାନ୍ସ ସହ ଢେର ଆକ୍ସନ ଦେଖିବାକୁ ମିଳିବ ଏହି ଫିଲ୍ମରେ । ରିଲିଜ ପୂର୍ବରୁ ଏହାର ଟ୍ରେଲର ଓ ଗୀତକୁ ନେଇ ଫ୍ୟାନଙ୍କ ମଧ୍ୟରେ ବେଶ୍ କ୍ରେଜ୍ ଦେଖିବାକୁ ମିଳିଛି । ଖାସ କରି ସିନେ ପ୍ରମୀଙ୍କୁ ମତୁଆଲା କରିଛି ଓଷଦ ନେଇ ଆ ଜାନିଆ ଓ ପ୍ରେମ ତୋର ବଦମାସ୍ ଗୀତ। ଟାଇଟଲ୍ ଟ୍ରାକକୁ ମିଶାଇ ଫିଲ୍ମରେ ମୋଟ ୫ଟି ଗୀତ ରହିଥିବାବେଳେ ଏଗୁଡ଼ିକୁ କମ୍ପୋଜ୍ କରିଛନ୍ତି ପ୍ରେମାନନ୍ଦ।</p> <p>ଦୁଇ ଭାଇ ଆଉ ଦୁଇ ଭଉଣୀଙ୍କ ଭିତରେ ଭଲପାଇବାକୁ ନେଇ ଗତିଶୀଳ ହୋଇଛି ସିନେମାର କାହାଣୀ। &nbsp;&nbsp;ଫିଲ୍ମରେ ତରଙ୍ଗର କିଏ ହେବ ମୋ ହିରୋଇନ ସିଜିନ-୩ର ବିଜେତା ସସ୍ମିତା ଡେବ୍ୟୁ କରିଥିବା ବେଳେ ଏଥିରେ ପାଞ୍ଚ ବର୍ଷ ପରେ ଓଲିଉଡକୁ କମ୍&zwnj; ବ୍ୟାକ୍&zwnj; କରିଛନ୍ତି ବବି ମିଶ୍ର। &nbsp;&nbsp;ଫିଲ୍ମରେ ଭିଲେନ୍ ଭୂମିକାରେ ନଜର ଆସିବେ ବବି। ଜବରଦସ୍ତ ଷ୍ଟାରକାଷ୍ଟ୍ &nbsp;ସମ୍ବିତଙ୍କ ଆକ୍ସନ ଓ ନୂଆ ଯୋଡି ଜ୍ୟୋତି-ଏଲିନାଙ୍କ ରୋମାନ୍ସ ଫିଲ୍ମର ୟୁଏସପି ବୋଲି କହିଛି ପ୍ରଯୋଜନା ସଂସ୍ଥା ।</p>