ଭୁବନେଶ୍ୱର (ଓଡ଼ିଶା ରିପୋର୍ଟର): 'ପ୍ରିଲ୍ୟୁଡ୍' ପକ୍ଷରୁ ଏକ ମ୍ୟୁଜିକ୍ ଭିଡିଓ ରିଲିଜ୍ ହୋଇଯାଇଛି। ଏହାର ନାଁ ରହିଛି ‘ମୋ ଓଡ଼ିଶା ତୋ ଓଡ଼ିଶା’। ଏଥିରେ ଓଡ଼ିଶାର କଳା ଓ ସଂସ୍କୃତିକୁ ପ୍ରଦର୍ଶିତ କରାଯାଇଛି।
ଭିଡିଓଟି ‘ମୋଟିଭି’ ନାମକ ଏକ ନୂଆ ୟୁଟ୍ୟୁବ୍ ଚ୍ୟାନେଲ୍ରେ ରିଲିଜ୍ ହୋଇଛି। ଗୀତଟିକୁ ଓଡ଼ିଶାବାସୀଙ୍କ ସହିତ ରାଜ୍ୟର କଳା, ସଂସ୍କୃତି ଉଦ୍ଦେଶ୍ୟରେ ଉତ୍ସର୍ଗ କରାଯାଇଛି।
ଜଣେ ବିଦେଶୀ ଯୁବତୀ ଓଡ଼ିଶା ପରିଦର୍ଶନରେ ଆସି କିପରି ଏଠାର ସଂସ୍କୃତି ଓ ପରମ୍ପରାକୁ ଆପଣାଇ ନେଇଛନ୍ତି, ତାହା ଏ ମ୍ୟୁଜିକ୍ ଭିଡିଓରେ ପ୍ରଦର୍ଶିତ କରାଯାଇଛି।
ଏ ମ୍ୟୁଜିକ୍ ଭିଡିଓର ପରିକଳ୍ପନା କରିଛନ୍ତି ସତ୍ୟବ୍ରତ ସାନୁ ରଥ। ଏଥିରେ ଗୀତ ଗାଇଛନ୍ତି ଋତୁରାଜ ମହାନ୍ତି। ଚିନ୍ମୟ ଦାସ ଓ ସମିତ ପଟ୍ଟନାୟକ ଗୀତ ଲେଖିଛନ୍ତି। ଚିନ୍ମୟ ଦାସ ଏହି ମ୍ୟୁଜିକ୍ ଭିଡିଓର ନିର୍ଦ୍ଦେଶନା ଦେଇଛନ୍ତି। ଏଥିରେ ନବାଗତ କଳାକାର ଫୁବୁକି ଓ ସିଲ୍ଭା ଶିଭା ଅଭିନୟ କରିଛନ୍ତି।
ଭିଡିଓରେ ପଦ୍ମ ବିଭୂଷଣ ଗୁରୁ ରଘୁନାଥ ମହାପାତ୍ର, ବାଲୁକା କଳା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଓ ଓଡ଼ିଶୀ ନ୍ୟତ୍ୟଶିଳ୍ପୀ ପଦ୍ମଶ୍ରୀ ଅରୁଣା ମହାନ୍ତିଙ୍କୁ ଦେଖିବାକୁ ମିଳିବ।
https://youtu.be/EAJXuTp8Ork
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
