ନୂଆଦିଲ୍ଲୀ: ଆଜିର ଦିନ ବଲିଉଡ୍ କଳାକାରଙ୍କ ପାଇଁ ବେଶ୍ ଖାସ୍। ଆଜି ୬୩ତମ ଜାତୀୟ ଚଳଚ୍ଚିତ୍ର ପୁରସ୍କାର ଘୋଷଣା ହୋଇଛି। ଯେଉଁଥିରେ ଏକାଧିକ ପୁରସ୍କାର ବଲିଉଡ୍ ଫିଲ୍ମକୁ ମିଳିଛି। ସେହିପରି ୭ରୁ ଅଧିକ ବଲିଉଡ୍ କଳାକାର, ନିର୍ଦ୍ଦେଶକ ଓ କଣ୍ଠଶିଳ୍ପୀଙ୍କୁ ରାଷ୍ଟ୍ରପତି ପୁରସ୍କୃତ କରିଛନ୍ତି।
ରାଷ୍ଟ୍ରପତି ପ୍ରଣବ ମୁଖାର୍ଜୀ ସୋମବାର ରାଷ୍ଟ୍ରପତି ଭବନରେ ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ୫୬ ଜଣ ବ୍ୟକ୍ତିଙ୍କୁ ସମ୍ମାନିତ କରିଛନ୍ତି। ସେମାନଙ୍କ ମଧ୍ୟରେ ଅନୁପମ୍ ଖେର୍ ଅଜୟ ଦେବଗନ୍, ଓ ପ୍ରିୟଙ୍କା ଚୋପ୍ରା ଅଛନ୍ତି।
ସିନେମା ଜଗତରେ ଅତୁଳନୀୟ ଅବଦାନ ପାଇଁ ଅଜୟ ଦେବଗନ୍ ଓ ପ୍ରିୟଙ୍କ ଚୋପ୍ରାଙ୍କ ସମେତ ନିର୍ଦ୍ଦେଶକ ମଧୁର ଭଣ୍ଡାରକର ଏବଂ ଏସ୍.ଏସ୍ ମୌଲୀଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଛି।
ସେହିପରି ଅନୁପମ୍ ଖେର, ରାମ ସୁତାର ଓ କଣ୍ଠଶିଳ୍ପୀ ଉଦିତ୍ ନାରାୟଣଙ୍କୁ ପଦ୍ମଭୂଷଣ ସମ୍ମାନରେ ରାଷ୍ଟ୍ରପତି ସମ୍ମାନିତ କରିଛନ୍ତି।