ହାଇଦ୍ରାବାଦ: ସୁପରଷ୍ଟାର୍ଙ୍କୁ ଠେଲାପେଲା। ଭିଡ ଭିତରେ ଫଶିଲେ ସାଉଥ ସୁପରଷ୍ଟାର ରାମ ଚରଣ। ବିମାନ ବନ୍ଦରରେ ପ୍ରବଳ ଭିଡର ସମ୍ମୁଖୀନ ହେଲେ ଏହି ଅଭିନେତା। ତାଙ୍କ ସହ ଫ୍ୟାନ୍ମାନେ କଲେ ଠେଲାପେଲା। ଯାହାର ଭିଡିଓ ଏବେ ସାମ୍ନାକୁ ଆସିଛି।
ଅପକମିଂ ପଲିଟିକାଲ ଡ୍ରାମା ଫିଲ୍ମ RC15ର ଶୁଟିଂ ପାଇଁ ଆନ୍ଧପ୍ରଦେଶର ରାଜାମୁନ୍ଦରି ବିମାନ ବନ୍ଦରରେ ଗତକାଲି ପହଞ୍ଚିଥିଲେ ଅଭିନେତା ରାମ ଚରଣ। ସେ ଆସୁଥିବା ଖବର ପାଇ ନିଜ ଫେଭରେଟ୍ ଷ୍ଟାରଙ୍କୁ ଦେଖିବା ପାଇଁ ବିମାନ ବନ୍ଦରରେ ଜମିଥିଲା ପ୍ରବଳ ଭିଡ। ରାମ ଚରଣ ବିମାନ ବନ୍ଦରରେ ପହଞ୍ଚିବା ପରେ ତାଙ୍କର ଜୋରଦାର ସ୍ୱାଗତ କରାଯାଇଥିଲା। କିନ୍ତୁ କିଛି ସମୟ ଭିତରେ ହିଁ ଫ୍ୟାନ୍ମାନେ ତାଙ୍କୁ ଦେଖିବା ପାଇଁ ବେକାବୁ ହୋଇପଡିଥିଲା। ଏପରିକି ରାମ ଚରଣଙ୍କୁ ଠେଳାପେଲା ମଧ୍ୟ କରିଦେଇଥିଲେ।
ରାମଚରଣ ପ୍ରଥମେ କିଛି ଫ୍ୟାନ୍ମାନଙ୍କ ସହ ସେଲ୍ଫି ନେଇଥିଲେ। କିନ୍ତୁ ଭିଡ ବଢ଼ିବା ଦେଖି ସେ ନିଜ କାର୍ ଆଡକୁ ବଢ଼ିଥିଲେ। ଏହି ସମୟରେ ସେ ଭିଡ ଭିତରେ ଫଶିଯାଇଥିଲେ ଏବଂ ଠେଲାପେଲାର ଶିକାର ହୋଇଥିଲେ। ପରେ ତାଙ୍କ ସୁରକ୍ଷାକର୍ମୀମାନେ ତାଙ୍କୁ ସୁରକ୍ଷିତ ଭାବେ ଗାଡି ଭିତରେ ବସାଇ ହୋଟେଲରେ ପହଞ୍ଚାଇଥିଲେ। ବର୍ତ୍ତମନା ରାମଚରଣ ସୁସ୍ଥ ଥିବା ଜଣାପଡିଛି।
ସୂଚନା ମୁତାବକ, ଫ୍ୟାନ୍ମାନେ ରାମ ଚରଣଙ୍କ ଅପ୍କମିଂ ଫିଲ୍ମ 'ଆର୍ଆର୍ଆର୍'କୁ ନେଇ ବେଶ୍ ଉତ୍ସାହିତ ଅଛନ୍ତି। ଏହି ଫିଲ୍ମକୁ ଦେଖିବା ପାଇଁ ସବୁ ଅପେକ୍ଷା କରି ବସିଛନ୍ତି। ଆଶା କରାଯାଉଛି ଯେ, ଏହି ଫିଲ୍ମ ଆସନ୍ତା ମାର୍ଚ୍ଚ ୨୫ରେ ରିଲିଜ ହେବ। ଏହାକୁ ତେଲୁଗୁ, ତାମିଲ, ମଲୟାଲମ, କନ୍ନଡ ଏବ ହିନ୍ଦୀ ଭାଷାରେ ରିଲିଜ କରାଯିବ।
View this post on Instagram
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
