ମୁମ୍ୱାଇ: ଶାହରୁଖ୍ ଖାନ୍, ଅନୁଷ୍କା ଶର୍ମା ଓ କ୍ୟାଟ୍ରିନା କୈଫ୍ଙ୍କ ଅଭିନୀତ ଫିଲ୍ମ ‘ଜିରୋ’ ବକ୍ସ ଅଫିସ୍ରେ ରିଲିଜ୍ ହୋଇ ସାରିଛି। ଏହି ଫିଲ୍ମରେ ଶାହରୁଖ୍ ଖାନ୍ଙ୍କ ଫ୍ୟାନ୍ ତାଙ୍କୁ ପସନ୍ଦ କରିଥିବା ଦେଖିବାକୁ ମିଳିଛି। ଫିଲ୍ମ ରିଲିଜ୍ ହେବା ପରେ କରିସ୍ମା କପୁର୍ ଏକ ଫଟୋ ସୋଶାଲ ମିଡିଆରେ ଶେୟାର କରି ଇମୋସ୍ନାଲ୍ ହୋଇଛନ୍ତି।
ଜିରୋ ଫିଲ୍ମର ଗୋଟିଏ ସଟ୍ରେ ଶ୍ରୀଦେବୀ ଓ କରିସ୍ମା କପୁର୍ ମଧ୍ୟ ରହିଛନ୍ତି। ମୃତ୍ୟୁ ପୂର୍ବରୁ ଶ୍ରୀଦେବୀଙ୍କର ଏହା ହେଉଛି ତାଙ୍କର ଶେଷ ଅଭିନୀତ ଫିଲ୍ମ।
ଏହା ହେଉଛି କରିସ୍ମାଙ୍କର ଶ୍ରୀଦେବୀଙ୍କ ସହିତ ଶେଷ ଫଟୋ। ଯାହାକୁ ସୋଶାଲ ମିଡିଆରେ ସେୟାର୍ କରି କରିସ୍ମା ଏକ କ୍ୟାପସନ୍ରେ ‘ମିସ୍ ୟୁ’ ମଧ୍ୟ ଲେଖିଛନ୍ତି। କରିସ୍ମା ଲେଖିଛନ୍ତି, “ଶ୍ରୀଦେବୀଙ୍କ ସହିତ ସ୍କ୍ରିନ୍ ସେୟାର୍ କରିଥିବାରୁ ଫିଲ୍ମ ଜିରୋର ସମ୍ପୂର୍ଣ୍ଣ ଟିମ୍କୁ ମୁଁ ଶୁଭେଚ୍ଛା ଜଣାଉଛି।
ଫିଲ୍ମରେ ଶ୍ରୀଦେବୀଙ୍କର ଅଭିନୟ କିଛି ସମୟ ପାଇଁ ହେଉନା କାହିଁକି ସେ ଜଣେ ଲିଜେଣ୍ଡ୍ ଅଭିନେତ୍ରୀ ଏବଂ ସବୁ ସମୟରେ ସେ ମୋର ପ୍ରିୟ ହୋଇ ରହି ଆସିଛନ୍ତି। ସମସ୍ତେ ତାଙ୍କୁ ବହୁତ ମିସ୍ କରୁଛନ୍ତି। “ ଏହି ଫଟୋଟିକୁ ଶେୟାର କରି କରିସ୍ମା ଇମୋସନାଲ୍ ହୋଇଛନ୍ତି, ଯାହା ସୋଶାଲ ମିଡିଆରେ ଭାଇରାଲ୍ ହେବାରେ ଲାଗିଛି।