ମୁମ୍ୱାଇ: ସୁଶାନ୍ତ ସିଂହ ରାଜପୁତ ଆତ୍ମହତ୍ୟା କରିବା ପରେ ସମାଲୋଚନାର ଶିକାର ହେଉଛନ୍ତି ବଲଉଡର ପ୍ରମୁଖ ନିର୍ଦ୍ଦେଶକ ତଥା ପ୍ରଯୋଜକ କରଣ ଜୋହର। ନେପୋଟିଜିମ୍ (ପ୍ରୀୟାପ୍ରତି ତୋଷଣ) ଅଭିଯୋଗରେ କରଣ ଜୋହର, ସଲମାନ୍ ଖାନ୍, ଆଲିଆ ଭଟ୍ଟ ଆଦି ସମାଲୋଚନାର ଶିକାର ହେଉଛନ୍ତି। ଏମିତିକି ଅନେକ ସୋଶାଲ ମିଡିଆ ୟୁଜର କରଣ ଜୋହର ଏବଂ ଆଲିଆ ଭଟ୍ଟଙ୍କୁ ଟୁଇଟରରେ ଅନ୍ ଫଲୋ କରିଥିବା ଦେଖିବାକୁ ମିଳିଛି।
ଏବେ କରଣ ଜୋହର ମଧ୍ୟ ଟୁଇଟରରେ ଅନେକଙ୍କୁ ଅନଫଲୋ କରିଛନ୍ତି। କରଣ ଜୋହର ଏବେ ମାତ୍ର 8 ଜଣଙ୍କୁ ଫଲୋ କରୁଥିବା ଦେଖିବାକୁ ମିଳିଛି। ଏହି 8 ଜଣଙ୍କ ମଧ୍ୟରେ ଅମିତାଭ ବଚ୍ଚନ, ଶାହରୁଖ ଖାନ୍, ଅକ୍ଷୟ କୁମାର, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଧର୍ମା ପ୍ରଡକ୍ସନ ସହିତ ଜଡ଼ିତ ଥିବା ସିଇଓ ସହଯୋଗୀ ସଂସ୍ଥାକୁ କରଣ ଫଲୋ କରୁଥିବା ବେଳେ ଅନ୍ୟମାନଙ୍କୁ ଅନଫଲୋ କରୁଥିବା ଦେଖିବାକୁ ମିଳିଛି।