ମୁମ୍ବାଇ: ଯେବେଠୁ ‘ଦବଙ୍ଗ ୩’ ଆସିବା କଥା ଘୋଷଣା ହେଲାଣି, ସେବେଠୁ ଫିଲ୍ମର ଷ୍ଟାର କାଷ୍ଟ ନେଇ ଚର୍ଚ୍ଚା ଚାଲିଛି। ଏଥିପାଇଁ ସଲମାନ୍ ଖାନ୍ ଓ ସୋନାକ୍ଷୀ ସିହ୍ନାଙ୍କ ନାଁ ତ ପୂର୍ବରୁ ଫାଇନାଲ୍ ହୋଇସାରିଛି। ହେଲେ ଶୁଣିବାକୁ ମିଳୁଛି ଯେ ଏହି ଫିଲ୍ମ ଜରିଆରେ ଆଉ ଜଣେ ଷ୍ଟାର କିଡ୍ ବଲିଉଡରେ ଏଣ୍ଟ୍ରି କରୁଛନ୍ତି।
ସୂଚନା ଅନୁଯାୟୀ, ଏହି ଫିଲ୍ମ ମାଧ୍ୟମରେ ମହେଶ ମାଞ୍ଜରେକରଙ୍କ ଝିଅ ଅଶ୍ୱାମୀ ମାଞ୍ଜରେକର ବଲିଉଡ୍ରେ ଏଣ୍ଟ୍ରି କରିବାକୁ ଯାଉଛନ୍ତି। ମହେଶ ଓ ସଲମାନ୍ଙ୍କ ବନ୍ଧୁତା ବେଶ୍ ଭଲ ଓ ସଲମାନ୍ ନିଜ ଫିଲ୍ମରେ ସବୁବେଳେ ନୂଆ ଟ୍ୟାଲେଣ୍ଟକୁ ମଉକା ଦିଅନ୍ତି।
ଫିଲ୍ମର ସୁଟିଂ ଆସନ୍ତା ମେ’ ମାସରୁ ଆରମ୍ଭ ହେବାର ଯୋଜନା ରହିଛି। ଏହାର ନିର୍ଦ୍ଦେଶନା ପ୍ରଭୁଦେବା ଦେବେ। ଫିଲ୍ମଟିର କାହାଣୀ ଚୁଲ୍ବୁଲ୍ ପାଣ୍ଡେର ଟିନ୍ଏଜ୍ ରୋମାନ୍ସ ଉପରେ ଆଧାରିତ।