ନୂଆଦିଲ୍ଲୀ: ହଲିଉଡ୍ ମୁଭି ଫ୍ୟାନ୍ସଙ୍କ ପାଇଁ ଖୁସି ଖବର। ଖୁବ୍ଶୀଘ୍ର ଆସୁଛି 'ସ୍ପାଇଡର୍-ମ୍ୟାନ୍' ଫିଲ୍ମ ସିରିଜର ଏକ ନୂଆ ସଂସ୍କରଣ। ଏହାର ଟ୍ରେଲର୍ ରିଲିଜ୍ ହୋଇସାରିଛି। ପୂର୍ବରୁ ରିଲିଜ ହୋଇଥିବା ଏହି ସିରିଜ୍ର ଲ୍ୟାଟେଷ୍ଟ୍ ଫିଲ୍ମର ନାଁ ଥିଲା ‘ସ୍ପାଇଡର୍-ମ୍ୟାନ୍ ହୋମ୍କମିଂ’। ଏବେ ରିଲିଜ୍ ହୋଇଥିବା ଏହାର ପରବର୍ତ୍ତୀ ଭାଗର ନାଁ ରହିଛି ‘ସ୍ପାଇଡର୍-ମ୍ୟାନ୍: ଫାର୍ ପ୍ରମ୍ ହୋମ୍’। ଏହା ଚଳିତ ବର୍ଷ ଜୁଲାଇ ୫ରେ ରିଲିଜ୍ ହେବ। ଏଥିରେ ଅଭିନେତା ଟମ୍ ହଲାଣ୍ଡ ପିଟର ପାର୍କର୍ ଭୂମିକାରେ ନଜର ଆସିବେ। ଫିଲ୍ମର ଟ୍ରେଲରକୁ ଦର୍ଶକଙ୍କ ଖୁବ୍ ଥମ୍ସ୍ ଅପ୍ ମିଳିଛି। ଏବେ ଯାଏ ଏହି ଟ୍ରେଲରକୁ ୨ କୋଟି ୮୫ ଲକ୍ଷରୁ ଅଧିକ ଥର ଦେଖା ସରିଲାଣି।
ସୈଜନ୍ୟ- ୟୁଟ୍ୟୁବ୍
https://youtu.be/DYYtuKyMtY8
ଫିଲ୍ମର ଟ୍ରେଲର୍ରେ ପିଟର୍ ପାର୍କର ନିଜ ସ୍କୁଲ ସାଙ୍ଗମାନଙ୍କ ସହ ଏକ ଟୁର୍ରେ ଯାଉଛନ୍ତି। ଏହି ଟୁର୍ରେ ପିଟର୍ ସ୍କୁଲ୍ର ଜଣେ ସାଧାରଣ ଛାତ୍ର ଭଳି ଦେଖାଯିବାକୁ ଚେଷ୍ଟା କରୁଛନ୍ତି। ହେଲେ ପରିସ୍ଥିତି କିଛି ଏପରି ହୋଇଯାଉଛି ଯେ ପିଟର୍ଙ୍କୁ ତାଙ୍କ ସ୍ପାଇଡର-ମ୍ୟାନ୍ର ମାସ୍କ ପିନ୍ଧିବାକୁ ପଡ଼ୁଛି। ଆଉ ତା'ପରଠୁ ଆରମ୍ଭ ହୋଇଯାଉଛି ଜବରଦସ୍ତ ଆକ୍ସନ୍। ଟ୍ରେଲର୍ରେ ଆଇରନ୍ମ୍ୟାନ୍ଙ୍କୁ ମଧ୍ୟ ଦେଖିବାକୁ ମିଳିଛି, ଯାହାକୁ ନେଇ ଦର୍ଶକଙ୍କ ମନରେ ଫିଲ୍ମ ପ୍ରତି ଉତ୍କଣ୍ଠା ଆହୁରି ବଢ଼ିଯାଇଛି।