ହୃଦୟ ଜିଣୁଛନ୍ତି ସତ୍ୟଜିତ୍‌: ଭୋଟ୍‌ ଦେବା ପାଇଁ ନିବେଦନ କଲେ ନବୀନ

ଭୁବନେଶ୍ୱର: ଜିଟିଭିରେ ପ୍ରସାରିତ ହେଉଥିବା ରିୟାଲିଟି ଶୋ’ ସାରେଗାମାପା ଲିଟିଲ୍‌ଚାମ୍ପର ଟପ୍‌ ୧୦ ଥିବା ଓଡ଼ିଶାର ସତ୍ୟଜିତ୍‌ ଜେନା ନିଜ ସଙ୍ଗୀତର ଯାଦୁରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ହୃଦୟ ଜିତି ନେଇଛନ୍ତି। ସତ୍ୟଜିତଙ୍କୁ ଭୋଟ୍‌ ଦେବା ପାଇଁ ନବୀନ ଟ୍ୱିଟ୍‌ ଜରିଆରେ ରାଜ୍ୟବାସୀଙ୍କୁ ନିବେଦନ କରିଛନ୍ତି। ନିଜ ଗୀତର ଯାଦୁରେ ସତ୍ୟଜିତ ଏବେ ସାରା ଦେଶରେ ଦର୍ଶକଙ୍କ ମନ ମୋହିବାରେ ଲାଗିଛନ୍ତି।

ଗତ ଶନିବାର ସତ୍ୟଜିତ୍ ‘ମହବତ୍‌ ବର୍‌ସା ଦେନା ତୁ, ସାୱନ୍‌ ଆୟା ହେ’ ଗୀତ ଗାଇ ଦର୍ଶକ ଓ ଜଜ୍‌ ମାନଙ୍କ ହୃଦୟକୁ ଜିତି ନେଇଥିଲେ। ଏହି ଗୀତକୁ ବଲିଡ୍‌ର ପ୍ରସିଦ୍ଧ କଣ୍ଠଶିଳ୍ପୀ ଅରଜିତ୍‌ ସିଂ ଗାଇଥିଲେ।

ଗତବର୍ଷ ରିଲିଜ୍‌ ହୋଇଥିବା ବଲିଉଡ୍‌ ଫିଲ୍ମ ‘ଫିଭର୍‌’ର ୧୨ ବର୍ଷ ପୁରୁଣା ଗୀତ ‘ମିଲ୍‌ ହେ ତୁମ୍‌’  ଗାଇ ଶୋ’ରେ ଉପସ୍ଥିତ ଥିବା ୩୦ ଜଣ ଜୁରୀ ମେମ୍ୱର, ହିମେସ ରେସମିୟା, ନେହା କରକର୍ ଓ ଜାଭେଦ୍‌ ଅଲ୍ଲୀଙ୍କୁ ବେଶ୍ ପସନ୍ଦ ହୋଇଥିଲା।