ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ମୁମ୍ବାଇ: ବଲିଉଡ୍ ଅଭିନେତା ଓ ଅଭିନେତ୍ରୀମାନେ ନିଜର ଫିଲ୍ମ ହିଟ୍‌ କରିବା ପାଇଁ ବେଳେବେଳେ ବିଭିନ୍ନ ଫଣ୍ଡା ଆପଣେଇଥାନ୍ତି। କାରଣ ତା’ ଉପରେ ସେମାନଙ୍କ କ୍ୟାରିୟର ନିର୍ଭର କରିଥାଏ। କେତେକ ଏହାକୁ କହନ୍ତି ପବ୍ଲିସିଟି ଷ୍ଟଣ୍ଟ। ଉପରୁ ତଳ, ଛୋଟରୁ ବଡ଼, ସବୁ ଅଭିନେତା ଅଭିନେତ୍ରୀ ଏମିତି କରନ୍ତି। ତେଣୁ ବଲିଉଡର କିଙ୍ଗ୍‌ ଖାନ୍‌ ଶାହାରୁଖ ବା ଏଥିରୁ ବାଦ୍ ପଡନ୍ତେ କେମିତି। ନିଜର ଅପକମିଂ ଫିଲ୍ମର ଏକ ଗୀତ ଲଞ୍ଚ୍ କରିବାକୁ ଯାଇଥିବା ବେଳେ, ସେ ସାଜିଥିଲେ ଟ୍ରାକ୍ଟର ଡ୍ରାଇଭର। କେମିତି ଓ କେଉଁଠି ଆସନ୍ତୁ ପଢ଼ିବା।</p> <p>କିଙ୍ଗ୍ ଖାନ୍‌ ନିଜର ଅପକମିଂ ଫିଲ୍ମ “ଜବ୍ ହାରି ମିଟ୍ ସେଜଲ୍”ର ଏକ ଗୀତ ‘ବଟର ଫ୍ଲାଏ’ ଲଞ୍ଚ ପାଇଁ ଲୁଧିଆନା ଯାଇଥିଲେ। ସବୁବେଳେ ସୁଟିଂ ଓ ଫିଲ୍ମ କାମରେ ବ୍ୟସ୍ତ ରହି କିଙ୍ଗ୍ ଖାନ୍ ସବୁଜ ପୃଥିବୀକୁ ଦେଖିବାକୁ ହୁଏତ ସମୟ ପାଉ ନଥିଲେ। ତେଣୁ ଲୁଧିଆନାରେ ସବୁଜ କ୍ଷେତ ଦେଖି ସେ ଏତେ ଖୁସି ହୋଇଯାଇଥିଲେ ଯେ ସେଠି ଗାଡ଼ିରୁ ଓହ୍ଲାଇ ଅନେକ ସମୟ ଧରି ବୁଲିଥିଲେ ଓ ଟ୍ରାକ୍ଟର ଚଳାଇଥିଲେ। ନିଜେ ଟ୍ରାକ୍ଟର ଧରି ପଶିଥିଲେ କ୍ଷେତ ଭିତରେ।</p> <p>ଏତେ ପ୍ରସିଦ୍ଧ ଅଭିନେତାଙ୍କୁ ଏପରି ଦେଖି ଲୋକେ ଯାହା କରିଥିବେ ଆପଣ ସହଜରେ ଅନୁମାନ କରି ପାରୁଥିବେ। ତାଙ୍କୁ ଦେଖିବାକୁ ସେଠାରେ ଲୋକ ଜମିଥିଲେ। କିଙ୍ଗ୍ ଖାନ୍ କିନ୍ତୁ ସେ ସବୁକୁ ଖାତିର ନକରି ସବୁଜ ‍‍ବିଲବାଡ଼ି ଓ ଟ୍ରାକ୍ଟର ଡ୍ରାଇଭିଂକୁ ଉପଭୋଗ କରିଥିଲେ। ତେବେ କିଛି ଲୋକ କହିଛନ୍ତି, ଶାହାରୁଖ ନିଜ ଫିଲ୍ମ ହିଟ୍‌ କରିବାକୁ ଏମିତି ଗୋଟେ ନୂଆ ଫଣ୍ଡା ଆପଣେଇଛନ୍ତି। ତେବେ ପ୍ରକୃତ କାରଣ ଯାହା ବି ହେଉ, ଘଟଣାକୁ ନେଇ କିଛି ମିଡିଆ ବାଲା ଖୁବ୍ ଚର୍ଚ୍ଚା କରୁଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
