ଉଚ୍ଚ ରକ୍ତଚାପ ଏକ ଏପରି ସମସ୍ୟା, ଯାହାର ବିଶେଷ କିଛି ଲକ୍ଷଣ ଦେଖାଦେଇ ନ ଥାଏ। କିନ୍ତୁ ଏହାଦ୍ୱାରା ଅନେକ ଲୋକଙ୍କ ଜୀବନ ଯାଏ। ବିଶେଷଜ୍ଞଙ୍କ ଅନୁସାରେ ମୁଣ୍ଡ ବିନ୍ଧା , ଦୃଷ୍ଟି ଶକ୍ତିରେ ସମସ୍ୟା, ନିଦ ଠିକ୍ ନ ହେବା ଭଳି ସମସ୍ୟା ଉଚ୍ଚ ରକ୍ତଚାପର ଲକ୍ଷଣ ହୋଇଥାଏ। ନିୟମିତ ଔଷଧ ସେବନ ଦ୍ୱାରା ଏହା ନିୟନ୍ତ୍ରଣରେ ରହିପାରିବ। ଦ୍ୱାରକା ସ୍ଥିତ ଭେଙ୍କଟେଶ୍ୱର ହସ୍ପିଟାଲ୍ର ହୃଦୟ ବିଭାଗର ନିର୍ଦ୍ଦେଶକ ଡାକ୍ତର ଦୁବେ କହିଛନ୍ତି ଯେ ଉଚ୍ଚ ରକ୍ତଚାପ ଏକ ସାଇଲେଣ୍ଟ୍ କିଲର୍, ଏହାର ବିଶେଷ ଲକ୍ଷଣ ନଥାଏ। କେତେକ କ୍ଷେତ୍ରରେ ଏହା ମସ୍ତିଷ୍କ ,ହୃଦୟ ଓ କିଡ୍ନୀ ଉପରେ ପ୍ରଭାବ ପକାଇଥାଏ। ଯାହାକି ମୃତ୍ୟୁର ବଡ କାରଣ ହୋଇଥାଏ ।
ଖାଦ୍ୟରେ ଅତ୍ୟଧତ୍କ ଲୁଣର ବ୍ୟବହାର, ମଦ ଓ ତମ୍ବାଖୁ ସେବନ ସହ ଶାରୀରିକ କାର୍ଯ୍ୟ କରୁ ନ ଥିବାରୁ ମଣିଷ ସର୍ବାଧିକ ଏହି ରୋଗର ଶିକାର ହୋଇଥାନ୍ତି। ଡାକ୍ତରଙ୍କ ମତରେ ପ୍ରତିଦିନ ୨୫ ରୁ ୩୦ ମିନିଟ୍ ପର୍ଯ୍ୟନ୍ତ ବ୍ୟାୟାମ, ଖାଦ୍ୟରେ କମ୍ ଲୁଣ ପ୍ରୟୋଗ, ସକାରତ୍ମକ ଭାବନା ଦ୍ୱାରା ଉଚ୍ଚରକ୍ତଚାପରୁ ରକ୍ଷା ମିଳିପାରିବ। ସଚେତନତା ପାଇଁ ପ୍ରତିବର୍ଷ ୧୭ ମେକୁ ଉଚ୍ଚ ରକ୍ତଚାପ ଦିବସ ରୂପେ ପାଳନ କରାଯାଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
