ଆବଶ୍ୟକ ସାମଗ୍ରୀ: ବଡ଼ ଚିଙ୍ଗୁଡ଼ି, ଚାଉଳ, କଖାରୁ ପତ୍ର, ରସୁଣ, ଜିରା, ସୋରିଷ, ଶୁଖିଲା ଲଙ୍କା, ଲୁଣ, ହଳଦୀ ଓ ସୋରିଷ ତେଲ ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଚିଙ୍ଗୁଡ଼ିକୁ ଭଲ ଭାବରେ ବାଛି ଧୋଇ ସଫା କରି ଦିଅନ୍ତୁ। ଏବେ ଚାଉଳକୁ ଅଧଘଣ୍ଟା ପାଣିରେ ଭିଜାଇବା ପରେ ଏହାକୁ ବାଟି ଦିଅନ୍ତୁ। ଏହା ପରେ ସୋରିଷ, ଜିରା ଓ ଲଙ୍କାକୁ ଏକତ୍ର ବାଟି ଦିଅନ୍ତୁ। ଏହି ବଟା ମସଲାରେ ଚିଙ୍ଗୁଡି, ଅଦା ରସୁଣ ପେଷ୍ଟ, ତେଲ, ଲୁଣ ଓ ହଳଦୀ ମିଶାଇ ରଖନ୍ତୁ।
ବର୍ତ୍ତମାନ ଏକ କଡ଼େଇରେ ତେଲ ଗରମ କରନ୍ତୁ। ତେଲ ଗରମ ହୋଇଗଲେ ଏକ କଖାରୁ ପତ୍ର ମଝିରେ ପୂର୍ବରୁ ଗୋଳା ହୋଇ ରହିଥିବା ଚିଙ୍ଗୁଡ଼ିରୁ ଅଳ୍ପ ରଖି ପତ୍ରକୁ ଚାରି ପାଖରୁ ଭାଙ୍ଗି ଦିଅନ୍ତୁ। ସେଇ ପତ୍ରକୁ ଚାଉଳ ବଟାରେ ବୁଡ଼ାଇବା ପରେ ତେଲରେ ଛାଣନ୍ତୁ। ଆପଣ ଏହାକୁ ତାୱାରେ ଅଳ୍ପ ତେଲ ଦେଇ ମଧ୍ୟ ଭାଜି ପାରିବେ। ବର୍ତ୍ତମାନ ପ୍ରସ୍ତୁତ ହୋଇଗଲା ‘ଚିଙ୍ଗୁଡ଼ି ବରା’। ଏହାକୁ ଗରମ ଗରମ ସସ୍ କିମ୍ବା ଚଟଣୀ ସହ ପରଷନ୍ତୁ। ଏହି ବରାକୁ ପଖାଳ ସହ ଖାଇଲେ ବି ଭାରି ସୁଆଦିଆ ଲାଗିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
