ମୁମ୍ବାଇ: ବାପାମା’ ବାହାରକୁ ଯାଇଥିଲେ। ଘରେ କେବଳ ୧୧ ବର୍ଷର ଝିଅଟି ଥିଲା। ଜଣେ ଅଜ୍ଞାତ ବ୍ୟକ୍ତି ଆସି ଡାକ ପକାଇଲେ। ଝିଅଟି ଦ୍ୱାର ଖୋଲିଲା ମାତ୍ରେ ସେ ପଚାରିଲେ,“ବାପାମା’ ଅଛନ୍ତି?”। ଝିଅଟି କହିଲା, ନା।
ଏମିତି କଥାବାର୍ତ୍ତା ବେଳେ ହଠାତ୍ ସେ ଝିଅଟିକୁ ଘର ଭିତରକୁ ନେଇ ଯାଇ ଛୁରୀ ଦେଖାଇ ତା’ ହାତ ଓ ପାଟିକୁ ବାନ୍ଧି ଦେଇଥିଲେ। ତା’ପରେ ତା’ ସହିତ ଦୁଷ୍କର୍ମ କରିଥିଲେ। ଏହା ପରେ ଘରୁ ନଗଦ ୧୫ ହଜାର ଟଙ୍କା ଓ ୪୫ ହଜାର ଟଙ୍କାର ସୁନାଗହଣା ନେଇ ପଳାଇଲେ। ଗଲା ବେଳେ ସେ ଘର ବାହାରେ ତାଲା ପକାଇ ଦେଇଥିଲେ।
ଏହି ଅଭିଯୋଗ ଆସିଛି ମୁମ୍ବାଇ ବାନ୍ଦ୍ରା (ଇ) ଅଞ୍ଚଳରୁ। ଘଟଣାଟି ଗତ ସୋମବାର ଦିନ ୧୧ଟାରୁ ସାଢ଼େ ୧୨ଟା ମଧ୍ୟରେ ଘଟିଛି।
ଝିଅର ମା’ ଯେତେବେଳେ ସାଢ଼େ ଗୋଟାଏ ବେଳେ ଫେରିଲେ ଘରେ ତାଲା ପଡ଼ିଥିବା ଦେଖି ଆଶ୍ଚର୍ଯ୍ୟ ହୋଇଗଲେ। ପଡ଼ୋଶୀଙ୍କୁ ଡାକି ତାଲା ଭାଙ୍ଗି ଘର ଭିତରକୁ ଯିବା ପରେ ତାଙ୍କ ହୋସ୍ ଉଡ଼ି ଯାଇଥିଲା।
ଝିଅ ତଳେ ପଡ଼ିଥିଲା। ତା’ ହାତ ଓ ପାଟି ବନ୍ଧା ହୋଇଥିଲା। ତାଙ୍କ ସ୍ୱାମୀ ଆସିବା ପରେ ସେମାନେ ଥାନାକୁ ଯାଇ ଦୁଷ୍କର୍ମ ଓ ଚୋରି ହୋଇଥିବା ନେଇ ଅଭିଯୋଗ କରିଥିଲେ।
ଡାକ୍ତରୀ ମାଇନାରୁ ସ୍ପଷ୍ଟ ହୋଇଥିଲା ଯେ ଝିଅଟିକୁ ଦୁଷ୍କର୍ମ କରାଯାଇଛି। ଅଭିଯୁକ୍ତକୁ ଧରିବାକୁ ପୁଲିସ୍ ଦୁଇଟି ଟିମ୍ ଗଠନ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
