ନୂଆଦିଲ୍ଲୀ: ଚଳନ୍ତି ବସ୍ରେ ଡ୍ରାଇଭର ଓ ଯାତ୍ରୀଙ୍କ ମଧ୍ୟରେ ଝଗଡ଼ା ହେଲେ ପରିଣତି ଯେ କେତେ ଭୟଙ୍କର ହୋଇପାରେ, ତା’ର ଏକ ଉଦାହରଣ ଗତ ରବିବାର ଚୀନ୍ରେ ଦେଖିବାକୁ ମିଳିଛି।
ବସ୍ଟି ଘଣ୍ଟା ପ୍ରତି ୫୧ କିଲୋମିଟର ବେଗରେ ଚାଲୁଥିବା ବେଳେ ଡ୍ରାଇଭର ଓ ଜଣେ ମହିଳା ଯାତ୍ରୀଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। କଥା ମାର୍ପିଟ୍ ପର୍ଯ୍ୟନ୍ତ ବି ଯାଇଥିଲା। ଆଉ ଏତିକି ବେଳେ ବସ୍ ଡ୍ରାଇଭରଙ୍କ ନିୟନ୍ତ୍ରଣ ବାହାରକୁ ଚାଲି ଯାଇ ଏକ ବ୍ରିଜ୍ ତଳୁକୁ ଖସି ନଦୀରେ ପଡ଼ି ଯାଇଥିଲା। ଏହି ଘଟଣାରେ ୧୩ ଜଣ ଲୋକଙ୍କ ମୃତ୍ୟୁ ଘଟିଛି। ଦୁଇ ଜଣ ଯାତ୍ରୀ ନିଖୋଜ ଅଛନ୍ତି।
ଡ୍ରାଇଭର ଓ ମହିଳା ଯାତ୍ରୀଙ୍କ ମଧ୍ୟରେ ହେଉଥିବା ଝଗଡ଼ା ଓ ବସ୍ଟି ବ୍ରିଜ୍ ତଳକୁ ପଡୁଥିବାର ଭିଡିଓ ସୋଶାଲ୍ ମିଡିଆରେ ଭାଇରାଲ୍ ହୋଇଛି।
ଲୋକଙ୍କୁ ସଚେତନ କରିବା ପାଇଁ ପୁଲିସ୍ ଏହି ଭିଡିଓଟିକୁ ସୋଶାଲ୍ ମିଡିଆରେ ପୋଷ୍ଟ୍ କରିଛି।
କାହିଁକି ହୋଇଥିଲା ଝଗଡ଼ା?
ଉକ୍ତ ମହିଳା ଯାତ୍ରୀ ଏକ ଷ୍ଟପେଜ୍ରେ ଓହ୍ଲାଇବାକୁ ଚାହୁଁଥିଲେ। କିନ୍ତୁ ଡ୍ରାଇଭର ଗାଡ଼ି ରଖି ନଥିଲେ। ତେଣୁ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା। ଉଭୟଙ୍କ ମଧ୍ୟରେ ମାରପିଟ୍ ବି ହୋଇଥିଲା।
ସୂଚନାଯୋଗ୍ୟ, ବସ୍ରେ ମୋଟ ୧୫ ଜଣ ଯାତ୍ରୀ ଥିଲେ।
A 48-year-old woman, Liu, was angry that the bus had missed her stop. So she hit the bus drive with her cell phone. The bus plunged 50m (164ft) off a bridge into the Yangtze River in Chongqing on Sunday - at least 13 people died and two are missing. pic.twitter.com/SfgxNiYQgn
— phsphd (@phsphd1) November 2, 2018
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
