ନୂଆଦିଲ୍ଲୀ: ମୌସୁମୀ କେରଳ ଛୁଇଁଥିବା ବେଳେ ସ୍ଥଳ ଭାଗ ଛୁଇଁ ନାହିଁ। ହେଲେ ଏହାର ପ୍ରଭାବ ଗତକାଲି ଦେଶର କିଛି ସ୍ଥାନରେ ଏବଂ ଆଜି ଦେଖିବାକୁ ମିଳିଛି। ଓଡ଼ିଶାରେ ଆଜି ସକାଳେ ମେଘୁଆ ପାଗ ଦେଖିବାକୁ ମିଳିଛି। ଅନ୍ୟପଟେ ଗତକାଲି ରାତିରେ ୟୁପି ଏବଂ ଉତ୍ତରାଖଣ୍ଡରେ ଝଡ଼ ତୋଫାନ ସାଙ୍ଗକୁ ପ୍ରବଳ ବିଜୁଳି ମାରିଥିବା ଜଣାପଡ଼ିଛି।
ଏହାର ପ୍ରଭାବରେ ୧୭ ଲୋକଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ଯେଉଁଥିରେ ଉତ୍ତର ପ୍ରଦେଶର ୧୧ ଜଣ ଏବଂ ଉତ୍ତରାଖଣ୍ଡର ୬ ଜଣଙ୍କ ମୃତ୍ୟୁ ହୋଇଛି। ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକଙ୍କ ପରିବାରକୁ ୪ ଲକ୍ଷ ଟଙ୍କାର ସହାୟତା ରାଶି ଯୋଗାଇ ଦେବା ପାଇଁ ନିର୍ଦ୍ଦେଶ ଦେଇଛନ୍ତି। ପ୍ରବଳ ବେଗରେ ପବନ ବୋହିବା ସାଙ୍ଗକୁ ବର୍ଷା ହେବାରୁ କିଛି ସ୍ଥାନରେ ପକ୍କା ଘରର କାନ୍ଥ ମଧ୍ୟ ଭୁଶୁଡ଼ି ପଡ଼ିଥିବା ଦେଖିବାକୁ ମିଳିଛି।
ମୌସୁମୀ କେରଳ ଛୁଇଁଥିବା ବେଳେ ସ୍ଥଳ ଭାଗ ଛୁଇଁ ନାହିଁ। ଏହାକୁ ସକ୍ରିୟ ହେବାକୁ ଆହୁରି ସପ୍ତାହେ ଲାଗିବ ବୋଲି ଆକଳନ କରିଛି ପାଣିପାଗ ବିଭାଗ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
